មុន និងក្រោយ តំបន់ផលិតស្រានៅរដ្ឋកាលីហ្វញ៉ា ត្រូវភ្លើងឆេះព្រៃ លេបត្របាក់

2017-10-11 02:54:43
ចំនួនមតិ 0 | ចំនួនចែករំលែក 0

ចន្លោះមិនឃើញ

គិតមកដល់ថ្ងៃទី ១១តុលានេះ ភ្លើងឆេះព្រៃរដ្ឋកាលីហ្វញ៉ា សហរដ្ឋអាមេរិក បានសម្លាប់ពលរដ្ឋចំនួន ១៥នាក់ហើយ ដោយអគារផ្ទះរាប់ពាន់ខ្នង និងរថយន្តច្រើនគ្រឿង ត្រូវបានភ្លើងព្រៃឆេះបំផ្លាញ។

ទីក្រុង Santa Rosa ដែលមានប្រជាជនប្រមាណ ១៧,៥ម៉ឺននាក់ ត្រូវបានភ្លើងឆេះខូចខាតផ្ទះអស់ជាច្រើនខ្នងស្ទើរក្លាយជាផេះ។ ពលរដ្ឋជាង ២៥ ០០០នាក់ រស់នៅស្រុក Sonoma ត្រូវបានជម្លៀសចេញពីផ្ទះសម្បែង។

កម្លាំងភ្លើងបានឆេះរាលដាលលើផ្ទៃដីប្រមាណ ១១,៥ម៉ឺនហិចតា ដោយបំផ្លាញផ្ទះ និងអគារពាណិជ្ជកម្មជាង ២ ០០០ខ្នង។ អ្វីដែលធ្វើឲ្យគេកាន់តែចាប់អារម្មណ៍ ក្នុងទីក្រុង Santa Rosa គឺតំបន់ Sonoma និង Napa បណ្ដុំកន្លែងផលិតស្រា ចម្ការទំពាំងបាយជូរ និងកន្លែងផលិតទឹកដោះគោ ត្រូវបានភ្លើងឆេះខ្ទេចគ្មានសល់។

ចំណែកអ្នកស្លាប់ទាំង ១៥នាក់ មាន ៧នាក់នៅស្រុក Sonoma ៣នាក់នៅស្រុក Medocino ២នាក់នៅស្រុក Napa និងម្នាក់ទៀតនៅស្រុក Yuba៕