តិកនិកគេងឱ្យបានគ្រប់គ្រាន់ និងស្រួលជាងមុន
- 2017-10-11 03:36:03
- ចំនួនមតិ 0 | ចំនួនចែករំលែក 0
តិកនិកគេងឱ្យបានគ្រប់គ្រាន់ និងស្រួលជាងមុន
ចន្លោះមិនឃើញ
ការគេងគ្រប់គ្រាន់ជាកត្តាចាំបាច់ណាស់សម្រាប់មនុស្ស ប៉ុន្តែក្នុងថ្ងៃដ៏មមាញឹក ការគេងបានពី៧ទៅ៨ម៉ោងក្លាយជារឿងលំបាក ពិសេសបើចិត្តគំនិតយើងមិនអាចស្ងប់ពេលដែលគេងទៀតនោះ វានឹងអាចនាំទៅរកវិបត្តិផ្សេងៗ។ ជុំវិញបញ្ហានេះ ក៏មានតិកនិកមួយចំនួនដែលអាចឱ្យយើងគេងបានស្រួលនិងច្រើនជាងមុន៖ ១.ផ្ដើមចូលគេងមុនរាល់ដង៤៥នាទី៖ សូមកុំដាក់សម្ពាធខ្លួនឯងអី! ចូរធ្វើសកម្មភាពសាមញ្ញៗដោយចូលគេងយប់នេះមុនរាល់ដង៤៥នាទីទៅ។ ៤៥នាទីនេះហាក់មិនច្រើនទេប៉ុន្តែការបានគេងលើសមុនបន្ដិច នឹងជួយបណ្ដុះទម្លាប់ថ្មីដែលអាចផ្លាស់ប្ដូរជីវិតអ្នក។
២.សម្រាកពេលថ្ងៃឱ្យបានច្រើន៖ សកម្មភាពនេះនឹងធ្វើឱ្យអ្នកគេងបានស្រួលពេលយប់ ផ្ទុយពីការយល់ឃើញរបស់មនុស្សមួយចំនួនធំ។ អ្នកតាំងសមាធិគេងបានស្រួល ព្រោះពួកគេរៀនគ្រប់គ្រងចិត្ដគំនិត និងមិនធ្វើសកម្មភាពឬការងារប្រញាប់ប្រញាល់ទេ។ សូមសាកតាំងសមាធិ២០នាទីក្នុងមួយថ្ងៃ ឬក៏គេងថ្ងៃបន្ដិច ឬដើរប្រហែល២០នាទី ដោយការផ្ដោតស្មារតីលើខ្យល់ដង្ហើមរាល់ជំហាននីមួយៗ ។
៣. កុំញ៉ាំអ្វីដែលប៉ះពាល់ដល់ការគេង៖ សូមកុំញ៉ាំរបស់ដែលមានជាតិកាហ្វេអ៊ីន ជាតិស្ករច្រើន ជាតិកាបូនអ៊ីដ្រាត បន្ទាប់ពីម៉ោង៣រសៀល ហើយធ្វើសកម្មភាពឱ្យច្រើនដើម្បីរក្សាតុល្យភាពជាតិស្ករក្នុងខ្លួនអ្នក។
៤. សម្រាក៖ មុនពេលគេងមួយម៉ោង ចូរបន្ថយពន្លឺក្នុងផ្ទះ ហើយសម្រាក និងកុំចុចទូរសព្ទ ឬកុំព្យូទ័រ។ អ្នកអាចអានសៀវភៅ ឬក៏រៀបគម្រោងថ្ងៃស្អែក។
៥. អនុវត្តសេចក្ដីដឹងគុណ៖ ពេលអ្នកចូលគេង សូមធ្វើឱ្យចិត្ដឱ្យស្ងប់ ហើយបន្ធូរអារម្មណ៍ដោយដោះលែងកង្វល់ឬអ្វីផ្សេងៗ និងផ្ដោតលើការដកដង្ហើមចូលឱ្យជ្រៅៗ១០ដង រួចសួរខ្លួនឯងថា៖ “តើមានអ្វីខ្លះដែលខ្ញុំដឹងគុណក្នុងជីវិតនេះ?”។ បេះដូងដែលរីករាយនឹងធ្វើអ្នកគេងលក់ស្រួល៕
ចុចអានអត្ថបទ៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
