មកស្គាល់ស្រីស្អាតជប៉ុនប្ដូរអាជីពពីតារាម៉ូដែល មកជាអ្នកប្រដាល់ដ៏អង់អាច!
- 2017-10-11 04:32:43
- ចំនួនមតិ 0 | ចំនួនចែករំលែក 0
មកស្គាល់ស្រីស្អាតជប៉ុនប្ដូរអាជីពពីតារាម៉ូដែល មកជាអ្នកប្រដាល់ដ៏អង់អាច!
ចន្លោះមិនឃើញ
មានរឿងភ្ញាក់ផ្អើលមួយ បានកើតឡើងក្នុងប្រទេសជប៉ុន ខណៈតារាដ៏ល្បីឈ្មោះម្នាក់ បានប្ដូរអាជីព ពីតារាម៉ូដែលគ្រប់ពេល មកជាអ្នកប្រដាល់វិញ។
នារីម្នាក់នោះមានឈ្មោះ Tomomi Takano បច្ចុប្បន្នមានអាជីពជាអ្នកប្រដាល់ ដែលបានធ្វើឲ្យមហាជនជាច្រើនក្នុងប្រទេសជប៉ុន មានការចាប់អារម្មណ៍។ លើសពីនេះ ពួកគេស្ទើរមិនជឿនឹងភ្នែកថា ស្រីស្អាតដែលធ្លាប់តែតុបតែងមុខមាត់ស្អាតស្អំ និងរៀបចំខ្លួនកាច់រាងលើឆាកបង្ហាញម៉ូដគ្រប់ពេល បែរជាមកចាប់ការងារជាអ្នកប្រដាល់ទៅវិញ។
ម្ចាស់គណនី Instagram វ័យ ៣០ឆ្នាំរូបនេះបានបង្ហោះរូបជាច្រើន ក្នុងនោះមានទាំងរូបហាត់ប្រដាល់ និងរូបភាពបង្ហាញសាច់សខ្ចីទាក់ទងនឹងការងារជាម៉ូដែល។
បើតាមវិបសាយ Sputnik នាងចាប់ផ្ដើមហាត់ប្រដាល់តាំងពីរៀននៅវិទ្យាល័យមកម្ល៉េះ។ ចាប់តាំងប្រឡូកក្នុងវិស័យប្រដាល់មក Takano បានទទួលជ័យជម្នះលើរេញជាហូរហែ។ ជាក់ស្ដែង កាលពីពេលថ្មីៗនេះ នាងបានផ្ដួលគូប្រកួតឈ្នះ ៧ដង និង ២ដងទៀត វាយឲ្យសន្លប់។
ទម្លាប់ហាត់ប្រដាល់របស់ស្រីស្អាតរូបនេះ មិនត្រឹមតែជួយនាងឲ្យមានភាពរឹងមាំពេលឡើងប្រកួតលើរេញទេ ក្រៅពីនោះវាក៏ធ្វើឲ្យដងខ្លួននាង កាន់តែអស្ចារ្យ ពេលឈរមុខកាមេរ៉ា។
នេះជាចំណុចពិសេសរបស់ Takano ដែលនារីទូទៅកម្រធ្វើបាន ព្រោះក្នុងពេលធ្វើជាអ្នកប្រដាល់នាងថែមទាំងមានសមត្ថភាពបង្ហាញម៉ូដបានប្រកបដោយទេពកោសល្យ៕ ទស្សនារូបភាពបន្ថែមលើ Instagram របស់ Takano