រដ្ឋមន្ត្រីក្រសួងពាណិជ្ជកម្មថារៀនមុខវិជ្ជាធ្វើម្ហូប អាចធ្វើការឆ្លងប្រទេស

2017-10-11 07:56:43
ចំនួនមតិ 0 | ចំនួនចែករំលែក 0

ចន្លោះមិនឃើញ

មន្ត្រីជាន់ខ្ពស់នៃក្រសួងពាណិជ្ជកម្ម ឲ្យដឹងថា សហគមន៍អឺរ៉ុប នៅបន្តផ្ដល់ជំនួយសម្រាប់ពាណិជ្ជកម្ម (AfT) ដើម្បីគាំទ្រវិស័យសំខាន់ៗចំនួន៥ ដែលមកទល់បច្ចុប្បន្នជំនួយនេះ មានទំហំរហូដល់ ៧,៥លានដុល្លារ។ ក្នុងនោះលោកថាវិស័យបដិសណ្ឋារកិច្ច ជាវិស័យរីកចម្រើនខ្លាំងក្លារបស់កម្ពុជា ដែលបានផ្ដល់នូវចំណូលដល់សេដ្ឋកិច្ចជាតិ និងការងារដល់ប្រជាពលរដ្ឋខែ្មរជាច្រើនម៉ឺននាក់។

(ឯកឧត្តម ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម)

ក្នុងពិធីបើកកិច្ចប្រជុំក្រុមប្រឹក្សាភិបាលនៃកម្មវិធីពង្រឹងក្របខណ្ឌសមាហរណកម្ម (EIF) លើកទី២៥ នៅសណ្ឋាគារភ្នំពេញកាលពីព្រឹកមិញ ឯកឧត្តម ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម ថ្លែងថា សហគមន៍អឺរ៉ុប បានផ្តល់ AfT ដើម្បីគាំទ្រចំពោះវិស័យសំខាន់ៗចំនួន៥ ដូចជា វិស័យស្រូវអង្ករ សូត្រប្រណិត ដំឡូងមី ជលផលសមុទ្រ និងវិស័យបដិសណ្ឋារកិច្ច។

(រូបភាពពី វិទ្យាស្ថានម្ហូបអាហារ កម្ពុជា)

ឯកឧត្តមមានប្រសាសន៍ថាៈ «បច្ចុប្បន្នយើងបានជោគជ័យមួយ យើងទើបបង្កើតនោះគឺវិទ្យាស្ថានម្ហូបអាហារកម្ពុជា ដែលយើងបានប្រើមូលនិធិEIFនេះ ការបោះទុនបង្កើតវិទ្យាស្ថាននេះមានចំនួនតិចតួច តែរដ្ឋាភិបាលបានជម្រុញឲ្យសកម្មភាពសាលានេះអាចរស់ដោយខ្លួនឯង តាមរយៈការយកតម្លៃសិក្សា»។ អ្វីដែលជាសំខាន់ឯឧត្តមថា ការបង្កើតសាលាបង្រៀនធ្វើម្ហូបជាផ្នែកមួយនៃវិស័យបដិសណ្ឋារកិច្ចដើម្បីកាត់បន្ថយភាពក្រីក្រ ដែលនឹងជួយប្រជាជនខ្មែរមានជំនាញធ្វើម្ហូប អាចបម្រើការក្នុងសណ្ឋាគារធំៗ ទទួលបានចំណូលខ្ពស់ និងមានសញ្ញាបត្រស្មើប្រទេសក្នុងតំបន់អាស៊ាន។ ឯកឧត្តមបញ្ជាក់ថាៈ «បងប្អួនដែលមានសញ្ញាបត្រធ្វើម្ហូបពីវិទ្យាស្ថាននេះ អាចទៅធ្វើការងារនៅប្រទេសដទៃក្នុងតំបន់អាស៊ាន ដែលអាចបម្រើការនៅសណ្ឋាគារលំដាប់ផ្កាយប្រាំ ទទួលបានចំណូលខ្ពស់»។

ក្នុងឱកាសនោះ ឯកឧត្តម ហ្សច អេតហ្គា ឯកអគ្គរដ្ឋទូតអឺរ៉ុបប្រចាំនៅកម្ពុជា បានថ្លែងថា សារៈសំខាន់នៃជំនួយសម្រាប់ពាណិជ្ជកម្ម (AfT) ដើម្បីធានានិរន្តរភាពសេដ្ឋកិច្ច និងកាត់បន្ថយភាពក្រីក្រនៅតាមប្រទេសអភិវឌ្ឍន៍តិចតួច (LDCs) ហើយចាប់តាំងពីឆ្នាំ២០០៧ ដល់២០១៥ សហគមន៍អឺរ៉ុប និងរដ្ឋសមាជិក បានផ្តល់ AfT ដល់ប្រទេស LDCs ចំនួន ៩៦,៨ប៊ីលានអឺរ៉ូ ដែលចំនួននេះ ស្មើនឹង ១/៣ នៃទឹកប្រាក់ AfT ពិភពលោក។ លើសពីនេះ សហគមន៍អឺរ៉ុបក៏បានអនុញ្ញាតឲ្យប្រទេស LDCs ចំនួន ៤៧ រួមទាំងកម្ពុជា អាចនាំចេញទំនិញ ទៅកាន់ទីផ្សារអឺរ៉ុប ក្រោមប្រព័ន្ធអនុគ្រោះព័ន្ធ “អ្វីគ្រប់យ៉ាងលើកលែងតែអាវុធ (EBA)” ចាប់តាំងពីឆ្នាំ ២០០១៕

អត្ថបទ៖ ស៊ិន សាវ៉េត

ពាក្យទាក់ទង

ការអប់រំ និងការងារ

អត្ថបទពេញនិយម

ឧកញ៉ា គិត ស៊ូឡា ឡើងជានាយកគ្រប់គ្រងផ្នែកប្រតិបត្តិការ ក្រុមហ៊ុន រ៉ូយ៉ាល់គ្រុប អន្តរជាតិ

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

ត្រៀមកន្លែងថតរូបថ្មី! អាជ្ញាធរខេត្តកំពត ចាប់ផ្តើមសាងសង់ប្រាសាទលោកយាយម៉ៅលើកំពូលភ្នំទ្វារ ឡានម៉ូតូក៏អាចបើកឡើងដល់ដែរ

ហេតុផលធំមួយលោក RICKY Sun ឈប់ពីអាជីពចម្រៀងមកធ្វើគ្រូគុនខ្មែរ

ផ្លូវជាតិលេខ៤៨ ស្រែអំបិល-កោះកុង សម្រេចសាងសង់បានពាក់កណ្តាលហើយ និងគ្រោងបញ្ចប់ចាក់កៅស៊ូឆ្នាំក្រោយ

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

អត្ថបទថ្មី

មកស្គាល់ប្រព័ន្ធសុវត្ថិភាពចំនួន ១០ ដែលបំពាក់លើរថយន្តបច្ចុប្បន្ន

Neuer បង្កើតកំណត់ត្រាថ្មីក្នុង Champions League

វគ្គ Semi Final របស់ Europa League ឆ្នាំនេះ សុទ្ធតែគីឡូធ្ងន់

ចាប់ផ្តើមដំណើរឆ្ពោះទៅរកភាពភ្លឺថ្លា POND'S Bright Miracle បង្ហាញពីភាពច្នៃប្រឌិតក្នុងការថែរក្សាស្បែក

តើក្រុមបាល់ទាត់ជម្រើសជាតិប្រទេសណាជាប់លេខ១ នៅទ្វីបអាស៊ី?

ត្រៀមខ្លួនហើយឬនៅ សម្រាប់ដំណើរទៅលេងបុណ្យភ្នំ-ឧទ្យានជាតិគិរីរម្យ នាដើមខែឧសភា ឆ្នាំ២០២៤ នេះ?