មកដឹងពីតម្លៃនៃការសម្ដែងល្ខោនខោលក្នុងមួយថ្ងៃ

2017-10-11 23:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទាំងការសម្ដែងនិងការហាត់សម សិល្បករល្ខោនខោលគឺសុទ្ធតែទទួលបានតម្លៃគិតទៅតាមម៉ោងដែលហាត់។

មកដឹងពីតម្លៃនៃការហាត់សម និងសម្ដែងរបស់សិល្បករល្ខោនខោលទាំងអស់គ្នា។

បើតាមប្រធានសមាគមសុវណ្ណភូមិ លោក ម៉ាន កុសល បានឱ្យ Sabay ដឹងថា តួសម្ដែងទាំងអស់ដែលត្រូវសម្ដែង គឺត្រូវហាត់សមជាមុនសិនមុនសម្ដែង ហើយថ្ងៃហាត់សមនេះក៏ត្រូវគិតប្រាក់ឱ្យតួដែរ។ សម្រាប់សមាគមសុវណ្ណភូមិ ឱ្យតម្លៃទៅតួដែលហាត់សមជាមធ្យមក្នុង១ម៉ោង៣ដុល្លារ ហើយមួយថ្ងៃហាត់ប្រហែលជា៣ទៅ៤ម៉ោង។ សម្រាប់ថ្ងៃសម្ដែងវិញ សិល្បករម្នាក់ទទួលបាន ៣០ដុល្លារអាមេរិកស្មើៗគ្នាមិនថាតួឯកឬរងនោះឡើយ។

ប្រធានសមាគមសុវណ្ណភូមិ លោក ម៉ាន កុសល

“យើងឱ្យតម្លៃទៅសិល្បករស្មើៗគ្នាមិនគិតតួសំខាន់ឬតួតូចតាចទេ ព្រោះយើងអត់ចង់ឱ្យមានការបែងចែកវណ្ណៈគ្នាក្នុងសិល្បៈបុរាណ ម្យ៉ាងវិញទៀត បើយើងឱ្យតម្លៃគាត់ខុសគ្នា នាំឱ្យពួកគាត់មានសតិអារម្មណ៍មិនល្អ ព្រោះយើងដឹងហើយល្ខោនខោលតួណាក៏សំខាន់ដែរ បើបាត់តួណាមួយតួផ្សេងទៀតក៏មិនអាចលេងបានដែរ” ។

ការគិតតម្លៃទៅឱ្យសិល្បករទាំងថ្ងៃហាត់សម និងថ្ងៃសម្ដែងបានប្រាក់តិចឬច្រើនអាស្រ័យទៅតាមកម្មវិធីតូចឬធំ និងអាស្រ័យទៅលើអ្នកឧបត្ថម្ភដែរ បើម្ចាស់ឧបត្ថម្ភជួយប្រាក់ច្រើននោះសិល្បករក៏ទទួលបានប្រាក់ច្រើនទៅតាមនោះដែរ នេះសម្រាប់ការសម្ដែងក្នុងស្រុក។ លោក ម៉ាន កុសល បញ្ជាក់បន្ថែម

អត្ថបទ៖ ប៉ូ សាគុន