Leonardo ថាលើកក្រោយរើសប្ដូរកីឡាករថ្មី មិនខ្វល់រឿងក្មេង ចាស់ សំខាន់ប្រើការបាន
- 2017-10-11 10:05:55
- ចំនួនមតិ 0 | ចំនួនចែករំលែក 0
Leonardo ថាលើកក្រោយរើសប្ដូរកីឡាករថ្មី មិនខ្វល់រឿងក្មេង ចាស់ សំខាន់ប្រើការបាន
ចន្លោះមិនឃើញ
លោក Leonardo គ្រូបង្វឹកក្រុមជម្រើសជាតិកម្ពុជា បានលើកឡើងថាការប្រកួតចាញ់វៀតណាមជារឿងមិនល្អមួយសម្រាប់កម្ពុជា ហើយលើកក្រោយលោកនឹងធ្វើការផ្លាស់ប្ដូរកីឡាករជាច្រើននាក់ចេញ ដើម្បីស្វែងរកកីឡាករដែលប្រើការបាន។
ក្រោយពីចាញ់វៀតណាម ៥-០ កាលពីពេលកន្លងទៅនេះ ក្រុមកម្ពុជាបានមកដល់មាតុប្រទេសវិញហើយ ខណៈដែលកីឡាករទាំងអស់ក៏ទៅចូលរួមជាមួយក្លឹបវិញ ដើម្បីត្រៀមលេងពានរង្វាន់លីគកំពូលកម្ពុជានៅថ្ងៃចុងសប្ដាហ៍នេះ។ ក្រោយពីចុះមកកម្ពុជាភ្លាម លោក Leonardo គ្រូកម្ពុជាបានលើកឡើងថាលោកកង្វល់មែនទែនចំពោះកីឡាករកម្ពុជា ជាពិសេសចាន់ វឌ្ឍនាកា ដែលនៅជប៉ុនមិនបានចូលលេងទាល់តែសោះ។ ការប្រមូលផ្ដុំលើកក្រោយ លោកនឹងជ្រើសរើសកីឡាករផ្សេងទៀត ដើម្បីយកមកប្រើការ ដោយមិនខ្វល់ពីកីឡាករនោះក្មេងពេក ឬយ៉ាងណានោះទេ។
សូមបញ្ជាក់ថាក្នុងការប្រកួតជម្រុះពានរង្វាន់ AFC Asian Cup នេះ កម្ពុជានឹងទទួលភ្ញៀវហ្សកដានីនៅថ្ងៃទី១៤ខែវិច្ឆិកាឆ្នាំ២០១៧ខាងមុខនេះ ខណៈដែលពិន្ទុក្នុងពូលកម្ពុជាទើបតែបាន៣ពិន្ទុប៉ុណ្ណោះ ឆ្លងកាត់ការប្រកួត៤ប្រកួតកន្លងមកនេះ៕