ពីក្មេងលាងចានទៅជាអ្នកជំនាញក្រឡុកស្រាលក់

2017-10-11 23:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ចាប់ផ្ដើមពីបាតដៃទទេ យុវជនកំព្រាម្ដាយម្នាក់ បានសម្រេចក្ដីស្រម៉ៃដំបូងរបស់ខ្លួនទាំងនៅក្មេងវ័យ។ គង់ គីមហេង ជាកូនអ្នកនៅភ្នំពេញម្ដុំក្បាលថ្នល់។ បន្ទាប់ពីធ្វើការតាមហាង និងកាស៊ីណូ បានជិត៥ឆ្នាំ គីមហេង បានបើកអាជីវកម្មខ្នាតតូចមួយ គឺក្រឡុកស្រា មានយីហោ Mob ដែលអាចរកប្រាក់ចំណេញបានជាង ២០ ម៉ឺនរៀលក្នុងមួយថ្ងៃ។ គីមហេងថា នេះជាជោគជ័យដំបូងក្នុងជីវិតរបស់ខ្លួន។

ដោយសារស្ថានភាពទីទាល់ក្រ និងថាជួនកាលដាច់បាយម្ដងម្កាល ផងនោះ ស្ថានភាពនេះគីមហេងថាបានរុញច្រានឲ្យខ្លួនចេញរកប្រាក់ទាំងវ័យ១៦ឆ្នាំ។ គីមហេងឲ្យដឹងថាការងារដំបូងរបស់លោកគឺជាអ្នកលាងចានក្នុងភោជនីយដ្ឋានតូចមួយ និងទទួលបានកម្រៃត្រឹម៦០ដុល្លារក្នុងមួយខែ។ ធ្វើការបានពីរឆ្នាំ ពោលគឺ ពេលលោកមានវ័យ១៨ឆ្នាំលោកក៏បាន ចូលធ្វើការនៅកាស៊ីណូមួយជាមួយបងស្រីបង្កើតនៅភ្នំពេញ។

(រទេះដាក់លក់ស្រាក្រឡុករបស់លោក គង់ គីមហេង/រូបភាព៖ Mob ហ្វេសប៊ុក)

ហាក់បីដូចជាមាន និស្ស័យជាមួយការងារក្រឡុកស្រា ហើយខ្លួនចូលចិត្តរសជាតិស្រាក្រឡុកផង គីមហេង ថាមេការកាស៊ីណូបានប្ដូរកាងារ លោកឲ្យទៅបម្រើក្នុងផ្នែកក្រឡុកស្រាវិញម្ដង ដែលនេះលោកថា ជាឱកាសសម្រាប់លោក ចាប់ផ្ដើមស្វែងយល់ និងរៀនសូត្រជំនាញក្រឡុកស្រា ពីអ្នកជំនាញនៅទីនោះ។

ដោយដឹងថាខ្លួនមិនបានសិក្សាបន្តទៀត គីមហេង ថាលោកបានប្ដូរមកអានសៀវភៅជាប្រចាំ ហើយសៀវភៅដែលលោកចូលចិត្តអានគឺសៀវភៅនិយាយពីបុគ្គលជោគជ័យ ល្បីៗមានដូចជា លោកបៀលហ្គេត លោកម៉ហ្សកឃើប៊ើក និងលោកចេកម៉ា ជាដើម។ អានសៀវភៅយូរៗទៅ លោកថាធ្វើឲ្យលោក បែកគំនិតចង់ចេញធ្វើជំនួញខ្លួនឯង ដោយចាប់ផ្ដើមសន្សំលុយបន្តិចម្ដងៗ និងគិតគូរយ៉ាងហ្មត់ចត់ពីការចាប់ផ្ដើមជំនួញដំបូងរបស់ខ្លួន។

(លោក គង់ គីមហេង កំពុងក្រឡុកស្រាលក់ជូនអតិថិជន/រូបភាព៖ Mob ហ្វេសប៊ុក)

មានលុយបន្តិចបន្តួចក្នុងហោប៉ៅ គីមហេង ថាខ្លួនបានប្រថុយយកកាតគ្រីម៉ូតូ ទៅបញ្ចាំដើម្បីសម្រេចបំណង ដែលបានគិតទុកជាយូរមកហើយ។

យុវជនវ័យក្មេងរូបនេះ ថាខ្លួនបានឈានជើងចេញរកស៊ីក្រឡុកស្រាលក់ តាមចញ្ចើមផ្លូវដំបូងនៅលើចញ្ចើមផ្លូវខាងលិចសួនមុខវត្តបទុមវត្តី ដោយមានយីហោ ថាMob ហើយទទួលការគាំទ្រពីអតិថិជនជាច្រើន ជាពិសេសយុវវ័យ និងជនបរទេស ដែលចូលចិត្តដើរម្សាន្តតាមសួន និងអង្គុយជជែកគ្នាលេងជាលក្ខណៈលំហែកាយ។

ដោយមើលឃើញពីភាពជោគជ័យ នៃអាជីវកម្មខ្នាតតូចរបស់ គីមហេង អ្នកផ្សេងទៀតក៏កំពុងងាកមកចាប់អាជីពក្រឡុកស្រានេះកាន់តែច្រើនដែរ។ បច្ចុប្បន្នមានរហូតដល់បួនកន្លែងទៅហើយ ដែលកំពុងប្រជែងជាមួយ Mob របស់ គីមហេង។ តែគីហេងថា ខ្លួនសប្បាយចិត្តដែលមានគូប្រជែង ព្រោះជាចំណែកធ្វើឲ្យលោក កាន់តែស្គាល់ខ្លួនឯង និងមានការអភិវឌ្ឍជំនាញក្រឡុកស្រា កាន់តែខ្លាំងឡើងថែមទៀត។ ម៉្យាងការប្រកួតប្រជែង នឹងជំរុញឲ្យលោក រកឃើញនូវរស់ជាតិថ្មីៗ និងពិសេសជាងគេនិងអាចក្រសោបយកអតិថិជនបានច្រើន។

គង់ គីមហេង បានសម្ដែងក្ដីសង្ឃឹមថា នៅចន្លោះអាយុ ២៥ ទៅ ៣០ឆ្នាំ លោកនឹងក្លាយជាថៅកែ រង្គសាលមួយ ហើយសង្ឃឹមថាអាចពង្រីសាខាឲ្យបានច្រើន៕

អត្ថបទដោយ៖ ឈិន ធារ៉ាត់

ពាក្យទាក់ទង

ជីវិតតស៊ូ

អត្ថបទពេញនិយម

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

ដឹងទេ! បច្ចុប្បន្ន កម្ពុជា កំពុងសម្រុកសាងសង់ស្ពានធំៗចំនួន៣

ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ

ដឹងការពិត! មនុស្សដំបូងលើករឿង NewJeans ត្រូវគេ Copy Style មិនមែន Min Hee Jin ទេ

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

អត្ថបទថ្មី

Pep មិនទាន់សម្រេចអនាគត Joao Cancelo នៅ Man City ទេ

Xavi នឹងបន្តដឹកនាំក្លឹប Barca ១រដូវកាលទៀត

រកឃើញចម្លាក់សត្វអណ្តើក ពេលធ្វើកំណាយស្រះទឹក នៅប្រាសាទបាយ័ន

ពូឃ្លាំង តារាចាស់វស្សាកំពូលកូរ ចូលទៅកូរដល់ក្នុងឡានអ្នកឈ្នះរបស់គ្រុឌ

មិនសរសើរមិនបាន កូនអាន បោះមេធ្វើវីដេអូ ខ្មែរ Makeup Trend បង្ហាញពីវប្បធម៌ខ្មែរយ៉ាងអស្ចារ្យ