មន្ត្រីថា អ្នកជំនាញកំពុងតាមដាន បន្ទាប់ពីឭដំណឹងថាវៀតណាមចាប់បានជ្រូកដាក់ថ្នាំជិតបួនពាន់ក្បាល
- 2017-10-12 01:11:45
- ចំនួនមតិ 0 | ចំនួនចែករំលែក 0
មន្ត្រីថា អ្នកជំនាញកំពុងតាមដាន បន្ទាប់ពីឭដំណឹងថាវៀតណាមចាប់បានជ្រូកដាក់ថ្នាំជិតបួនពាន់ក្បាល
ចន្លោះមិនឃើញ
បើតាមប្រភពពត៌មានពីប្រទេសវៀតណាម Vietnamnet.vn បានឲ្យដឹងថា សត្វជ្រូកដាក់ថ្នាំចំនួន ៣ ៧៥០ ក្បាល ត្រូវបានសមត្ថកិច្ចវៀតណាមចាប់បាននៅកន្លែងសម្លាប់សត្វមួយកន្លែងនៅទីក្រុងហូជីមិញ កាលពីថ្មីៗកន្លងទៅ។ ការដាក់ថ្នាំនេះ ដើម្បីឲ្យសាច់ជ្រូកទន់ល្អ ប៉ុន្តែវាមានគ្រោះថ្នាក់ខ្លាំងដល់សុខភាពរបស់អ្នកបរិភោគសាច់ជ្រូកនោះ។
ជុំវិញរឿងផ្ទុះសាច់ជ្រូកវៀតណាមមានថ្នាំនេះ បានបង្កក្ដីបារម្ភដល់ប្រជាជនខ្មែរ ស្របពេលបច្ចុប្បន្នកម្ពុជាបាននាំចូលជ្រូលកាប់សាច់មួយចំនួនពីប្រទេសវៀតណាម។ ជាមួយគ្នានេះ មន្ត្រីនាំពាក្យនៃក្រសួងពាណិជ្ជកម្ម កញ្ញា សឹង សុផារី បានប្រាប់ Sabay ក្នុងពិធីបើកកិច្ចប្រជុំក្រុមប្រឹក្សាភិបាលនៃកម្មវិធីពង្រឹងក្របខណ្ឌសមាហរណកម្ម (EIF) លើកទី២៥ នៅសណ្ឋាគារភ្នំពេញកាលពីម្សិលមិញថា រហូតដល់ពេលនេះ មន្ត្រីកាំកុងត្រូល និងក្រុមមន្ត្រីចល័តពិនិត្យផលិតផលគីមីនៅមិនទាន់រាយការណ៍ចំពោះករណីសត្វជ្រូកដាក់ថ្នាំនេះនៅឡើយ តែកញ្ញាថា ក្រសួងពាក់ព័ន្ធនឹងបន្តតាមដានរឿងនេះ។
អ្នកនាំពាក្យរូបនេះ បន្តថាៈ «មន្ត្រីប្រចាំការមិនមានគ្រប់តាមច្រកល្ហកទាំងអស់ទេ តួយ៉ាងច្រករបៀងជាដើម ហេតុនេះត្រូវការឲ្យប្រជាពលរដ្ឋចូលរួមសហការ»។
កញ្ញាស្នើឲ្យប្រជាពលរដ្ឋព្យាយាមតាមដានពត៌មានតាមបណ្ដាញផ្សព្វផ្សាយ និងក្រសួងឲ្យបានច្រើន ជាពិសេសនោះបើពលរដ្ឋជួបករណីណាមួយ សូមផ្ដល់ពត៌មានទៅមន្ត្រីកាំកុងត្រូល និងឡានពិនិត្យផលិតផលគីមីចល័តដើម្បីចាត់វិធានការ។
ជាមួយគ្នានេះដែរ ដើម្បីលុបបំបាត់ផលិតផលគីមីទាំងនោះបាន ត្រូវផ្ដើមចេញពីប្រជាពលរដ្ឋនាំគ្នាបញ្ឈប់ការប្រើប្រាស់ និងជួញដូរផលិតផលគីមីទាំងអស់គ្នា។ កញ្ញា សុផារីបញ្ជាក់បន្ថែម៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
