គ្រូបាល់ទះថៃ ថាសមត្ថភាពវិសាខា អាចលេងនៅលីគកំពូលថៃបាន
- 2017-10-12 08:35:22
- ចំនួនមតិ 0 | ចំនួនចែករំលែក 0
គ្រូបាល់ទះថៃ ថាសមត្ថភាពវិសាខា អាចលេងនៅលីគកំពូលថៃបាន
ចន្លោះមិនឃើញ
គ្រូបាល់ទះក្លឹបអាជីពរបស់ Kaset Sar ថា សមត្ថភាពប៉ុនក្រុមបាល់ទះវិសាខារបស់កម្ពុជាអាចលេងក្នុងលីគកំពូលរបស់ប្រទេសថៃបាន។
លោក Tutthachi Rothanawong Pak ដែលជាគ្រូបង្វឹករបស់ក្រុមបាល់ទះ Kaset Sa របស់ប្រទេសថៃ បានឲ្យដឹងថា ការប្រកួតមិត្តភាពអន្តរជាតិម្សិលមិញនេះកូនក្រុមរបស់លោកធ្វើមិនបានល្អនោះទេ ពោលគឺចាញ់គប់ ចាញ់កម្ពស់ និងភាពរឹងមាំរបស់កីឡាករក៏នៅចាញ់ក្រុមវិសាខារបស់កម្ពុជា ស្របពេលដែលក្រុមរបស់លោកទើបតែប្រមូលផ្ដុំកីឡាករក្មេងៗជាច្រើនទៀត។
អតីតកីឡាករជម្រើសជាតិរបស់ប្រទេសថៃខាងលើបន្ថែមទៀតថា តាមការយល់ឃើញរបស់លោក ក្រុមវិសាខាអាចលេងក្នុងលីគកំពូលរបស់ថៃ ព្រោះក្រុមមានចំណុចល្អជាច្រើនដូចជា មានកម្ពស់ខ្ពស់ រឺងមាំ និងភាពរហ័សរហួនតែម្ដង នៅពេលក្រោយៗទៀតបើមានឱកាសលោកចង់ប្រកួតមិត្តភាពជាមួយក្រុមកម្ពុជាមួយនេះទៀត។
ការប្រកួតលើកទី៣របស់ក្រុមបាល់ទះវិសាខាកាលពីម្សិលមិញនេះឈ្នះក្រុមម្ចាស់ផ្ទះ Kaset Sart ដោយលទ្ធផល ៤-១ ហើយល្ងាចម៉ោង៥ នេះ ក្រុមវិសាខា នឹងត្រូវប្រកួតមិត្តភាពអន្តរជាតិជាមួយ NK Fitness ម្ដងទៀតតាមការស្នើសុំនៅក្នុងសាកលវិទ្យាល័យ Rangsit University។ Sabay News Sport និងធ្វើការផ្សាយផ្ទាល់តាមហ្វេសបុកផេក៕