ចូលរួមបោះឆ្នោតគាំទ្រ តំបន់អភិរក្សជួរភ្នំក្រវ៉ាញ ដើម្បីបានថវិកាបន្តការងារអភិរក្ស
- 2017-10-12 03:46:43
- ចំនួនមតិ 0 | ចំនួនចែករំលែក 0
ចូលរួមបោះឆ្នោតគាំទ្រ តំបន់អភិរក្សជួរភ្នំក្រវ៉ាញ ដើម្បីបានថវិកាបន្តការងារអភិរក្ស
ចន្លោះមិនឃើញ
សមាគមន៍អភិរក្សសត្វព្រៃរបស់សហគមន៍អឺរ៉ុបមួយមានឈ្មោះថា European Outdoor Conservation Association (EOCA) បានដាក់ឲ្យសាធារណជនបោះឆ្នោតគាទ្រតំបន់អភិរក្សចំនួនប្រាំដែលបានជាប់សម្រង់ជ្រើសរើសពីសមាជគមន៍មួយនេះ ហើយមួយក្នុងចំណោមនោះមកពីកម្ពុជា។
បើតាមសមាគមន៍នេះមានតំបន់អភិរក្សាចំនួន៨៦បានដាក់ពាក្យមកសកមាគមន៍ដើម្បីចូលរួមការបោះឆ្នោត។ ទោះយ៉ាងណា សមាគមន៍នេះថាមានតំបន់អភិរក្សតែចំនួនប្រាំប៉ុណ្ណោះដែលបានជាប់ក្នុងសម្រង់ជ្រើសរើស និងមានលក្ខណៈសម្បត្តិគ្រប់គ្រាន់សម្រាប់ដាក់ឲ្យសាធារណជនបោះឆ្នោតគាំទ្រ។ សម្រាប់តំបន់អភិរក្សដែលបានសំឡេងឆ្នោតច្រើនជាងគេនឹងទទួលបានមូលនិធិពីសមាគមន៍ក្នុងការងារអភិរក្សនៅតំបន់នោះ។
តំបន់អភិរក្សជួរភ្នំក្រវ៉ាញរបស់កម្ពុជា ជាបេក្ខភាពមួយក្នុងចំណោមបេក្ខភាពទាំងប្រាំដែលមានពីរមកពីតំបន់អាហ្វ្រិកខាងត្បូង និងមួយៗមកពីអក្វាឌ័រ និងអ៊ីតាលី។
គួរបញ្ជាក់ថាជួរភ្នំក្រវ៉ាញគ្របដណ្តប់លើផ្ទៃដីជិត៧សែនហិកតា និងជាជម្រកសត្វព្រៃជាច្រើនប្រភេទដែលងាយរងគ្រោះ និងជាប្រភេទសត្វព្រៃដែលកំពុងរងគ្រោះខ្លាំងនៅលើពិភពលោកដូចជា ខ្លាឃ្មុំ ដំរី និងពង្រូល ជាដើម តាមរយៈការបរបាញ់ និងដាក់អន្ទាក់។ ក្នុងករណីដែលតំបន់នេះអាចឈ្នះការបោះឆ្នោត ថវិកាដែលទទួលបាននឹងយក ទៅប្រើប្រាស់ក្នុងការដើរល្បាត ពង្រឹងការគ្រប់គ្រងតំបន់អភិរក្ស និងបណ្តុះបណ្តាលដល់ពលរដ្ឋ៣៤០គ្រួសាររស់នៅតំបន់ជីផាត់ឲ្យធ្វើជាមគ្គុទេសក៍តំបន់។
ការបោះឆ្នោតនេះធ្វើឡើងចាប់ពីថ្ងៃទី៤ ដល់១៨ ខែតុលា ឆ្នាំ២០១៧។
សាធារណជនអាចចូលបោះឆ្នោតគាំទ្រតាមតំណភ្ជាប់នេះ៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
