ស្រលាញ់បាល់ទាត់ខ្មែរ សូមទៅមើល! ក្រុម ឪម៉ាល់ ត្រៀមទិច កំចាយមារ លើកពានហ៊្វូតសាលជាតិ ក្លៀរ

2017-10-12 04:50:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ជើងខ្លាំងមិនដែលចាញ់ កំចាយមារ នឹងត្រូវប្រយុទ្ធស្លាប់រស់ជាមួយក្រុមសម្បូរទ្រនិច ឪម៉ាល់ ក្នុងវគ្គផ្ដាច់ព្រ័ត្រនៃការប្រកួតបាល់ទាត់ពានរង្វាន់ក្នុងសាលជាតិ ក្លៀរ CLEAR National Futsal Cup 2017 នៅថ្ងៃសៅរ៍ ទី១៤ តុលានេះហើយ នៅទីលាន Clear Arena The Blue Sports Center បន្ទាប់ពីប្រកួតជម្រុះអស់ជិត ៣ ខែមក។

អ្នកស្រលាញ់បាល់ទាត់ខ្មែរ និងអ្នកគាំទ្រទាំងអស់ អាចមកចូលរួមទស្សនាហ៊ោកញ្ជ្រៀវដោយសេរី និងឥតគិតថ្លៃ នៅទីលានម្ដុំទួលគោកមួយនេះ។

ការពិតទៅ ក្រុម ឪម៉ាល់ ធ្លាប់ចាញ់ក្រោមថ្វីជើងរបស់ក្រុមទ័ពមកពីព្រៃវែង កំចាយមារ ម្ដងរួចមកហើយ កាលពីវគ្គប្រកួត ១០ក្រុមចុងក្រោយ ដោយលទ្ធផល ៤-១។ ឯក្រុមពូកែកម្ទេចសត្រូវ កំចាយមារ គឺជាក្រុមមិនទាន់ស្គាល់ពាក្យថាចាញ់ ឬស្មើនៅឡើយ ដោយមានប្រកួតខ្លះលត់ដៃគូដល់ទៅ ២០-៣០ គ្រាប់ឯណោះ។ ចាំមើលមើល៍ ថាតើ ឪម៉ាល់ អាចទិចសងសឹកគូសត្រូវឲ្យសុសសាច់បានដែរអត់?

Ov Mal FC

មិនត្រឹមតែបានទស្សនាសង្គ្រាមហ៊្វូតសាលវគ្គផ្ដាច់ព្រ័ត្រផ្ទាល់ប៉ុណ្ណោះទេ អ្នកចូលរួមនឹងបានឃើញការសម្ដែងពិសេសៗជាច្រើន ដូចជា ការសម្ដែងក្បាច់ត្រិះញាក់បាល់ (Freestyle Futsal) ការសម្ដែងក្បាច់រាំ Break Dance, DJ Rose, ការចាប់ឆ្នោតយករង្វាន់ពីសាប៊ូកក់សក់ CLEAR Men និងការចូលរួមលេងហ្គេមកម្សាន្តផ្សេងៗ។

ពានរង្វាន់ក្នុងសាលជាតិ មាន ២០ ក្រុម ដោយប្រកួតបែងចែក ២ដំណាក់កាល ចាប់ពីថ្ងៃទី២៩ កក្កដា ដល់ ១៤ តុលា ២០១៧។ អ្នកឈ្នះនឹងទទួលបានពានរង្វាន់ មេដាយមាស រួមជាមួយប្រាក់ ៥០០០ ដុល្លារ។

ចង់ដឹងក្រុម ឪម៉ាល់ អាចទិចបំបាក់ក្រុមមិនដែលចាញ់ កំចាយមារ នៅវគ្គផ្ដាច់ព្រ័ត្របានអត់ កុំភ្លេចទៅមើលនៅទីលាន Clear Arena The Blue Sports Center៕