Suárez ថា World Cup ត្រូវការ Messi
- 2017-10-12 06:38:02
- ចំនួនមតិ 0 | ចំនួនចែករំលែក 0
Suárez ថា World Cup ត្រូវការ Messi
ចន្លោះមិនឃើញ
Luis Suárez បានបង្ហាញអារម្មណ៍រីករាយសម្រាប់មិត្តរួមក្រុម Leo Messi ក្រោយអាហ្សង់ទីនមានកៅអីទៅ World Cup ឆ្នាំក្រោយនៅរុស្ស៊ី។
ការប្រកួតកាលពីម្សិលមិញខ្សែប្រយុទ្ធកំពូលមកពី Barcelona បានស៊ុត៣គ្រាប់ម្នាក់ឯងជួយអាហ្សង់ទីនវាយបកយកឈ្នះអេក្វាឌ័រ ៣-១ យ៉ាងគួរឲ្យភ្ញាក់ផ្អើលក្នុងការប្រកួតជម្រុះ World Cup បញ្ចប់នៅចំណាត់ថ្នាក់លេខ៣ក្នុងតារាងនៅទ្វីបអាមេរិកខាងត្បូង។
Suarez វ័យ៣១ឆ្នាំនិយាយថា៖ "ខ្ញុំមានទំនាក់ទំនងល្អជាមួយ Messi ហើយវាពិតជារឿងសោកស្ដាយបើសិនកីឡាករដូចជាគេមិនបានលេង World Cup។ ការប្រកួតនៅអាមេរិកខាងត្បូងពិតជាតានតឹងដូចឃើញស្រាប់ប្រទេសអាហ្សង់ទីនសឹងតែគ្មានកៅអី ប៉ុន្តែសម្រាប់អ៊ុយរុយហ្គាយ គឺពួកយើងពិតជារីករាយសម្រាប់វគ្គជម្រុះលើកនេះ"៕