មកដឹងពីគំនិតក្រុមហ៊ុនបារាំងប្លែកពីគេមួយ មាន Resort រហូតដល់ ៧៥ទូទាំងពិភពលោក
- 2017-10-12 07:09:04
- ចំនួនមតិ 0 | ចំនួនចែករំលែក 0
មកដឹងពីគំនិតក្រុមហ៊ុនបារាំងប្លែកពីគេមួយ មាន Resort រហូតដល់ ៧៥ទូទាំងពិភពលោក
ចន្លោះមិនឃើញ
Club Med ក្រុមហ៊ុនបដិសណ្ឋារកិច្ចដ៏ធំមួយរបស់បារាំងបានរៀបចំសិក្ខាសាលានៅសណ្ឋាគារ Sunway កាលពីថ្ងៃទី៤ តុលា ២០១៧ ដោយអញ្ជើញក្រុមហ៊ុនទេសចរណ៍ទាំងអស់នៅកម្ពុជា ដើម្បីចែករំលែកក៏ដូចជាឲ្យយល់ច្បាស់ពីគំនិតដែលធ្វើឲ្យ Club Med ជោគជ័យក្នុងវិស័យនេះ។
លោក Khun Ronnaphop NOPSUWAN ប្រធានផ្នែកលក់ Club Med បាននិយាយថា៖ "គំនិត Resort របស់ Club Med ខុសពីកន្លែងផ្សេងៗនៅក្នុងពិភពលោកត្រង់អ្នកមកស្នាក់នៅ គាត់នឹងទទួលបានសេវាកម្មគ្រប់យ៉ាងដូចជាអាហារ ភេសជ្ជៈគ្រប់ប្រភេទតាំងពីព្រឹកដល់យប់កម្មវិធីកម្សាន្តផ្សេងៗដូចជាការសម្ដែង កីឡា រាំរែក ព្រមទាំងកម្មវិធីជាច្រើនទៀត"។
លោក NOPSUWAN បានបន្តថា៖ "ស្នាក់នៅកន្លែងផ្សេងៗអ្នកទទួលបានតែបន្ទប់ និងអាហារពេលព្រឹកតែប៉ុណ្ណោះ ដែលវាខុសពីយើងមានអ្វីៗគ្រប់យ៉ាងតែម្ដង ហើយអ្នកមកស្នាក់នៅ ទោះមិនចេញទៅដើរខាងក្រៅក៏យើងធានាថាមិនធុញដែរ ព្រោះតែកម្មវិធីជាច្រើនរបស់យើង"។
មកទល់ពេលនេះ Club Med មាន Resort ៧៥ទូទាំងពិភពលោក ដោយប្រកាន់ខ្ជាប់នៅគោលគំនិតតែមួយ បើទោះជាការរចនាផ្លាស់ប្ដូរទៅតាមតំបន់ក៏ដោយ។
លោក Kelvin Teo អ្នកគ្រប់គ្រងប្រចាំប្រទេស នៃក្រុមហ៊ុនអាកាសចរណ៍ SilkAir និងអ្នកស្រី ឡេង ផល្លី តំណាងនៃក្រុមហ៊ុនអាកាសចរណ៍ Bangkok Airways ក៏បានចូលរួមជាភ្ញៀវកិត្តិយស ព្រមទាំងចែករំលែកព័ត៌មានពីជើងហោះហើរយន្តហោះរបស់ខ្លួនទៅកាន់ កោះម៉ាល់ឌីវ កោះបាលី និងកោះភូកេត ហើយតំបន់ទេសចរណ៍ល្បីឈ្មោះលើពិភពលោកទាំងនេះ សុទ្ធតែមានរមណីយដ្ឋានលំហែកាយ Club Med។
លោក គង់ ហ៊ឹង នាយកគ្រប់គ្រងផ្នែកដំណើរកម្សាន្ត និងទីផ្សារ WORLD POP ដែលជាក្រុមហ៊ុនទេសចរណ៍បានសិទ្ធពី Club Med នៅកម្ពុជា បានលើកឡើងថា៖ “Club Med ផ្ដល់ជូនបទពិសោធន៍ស្នាក់នៅបែបលំហែកាយ និងសកម្មភាពកម្សាន្តជាច្រើន ដោយមិនចាំបាច់បារម្ភពីការចំណាយបន្ថែម (អាហារមួយថ្ងៃ ៣ពេល ព្រមទាំងអាហារសម្រន់ និងភេសជ្ជៈចម្រុះដូចជា ស្រាក្រឡុក ទឹកផ្លែឈើ ស្រាបៀ និងស្រា អមជាមួយការសំដែងសម្បូរបែប និងពិធីជប់លៀងនាពេលរាត្រីផងដែរ)"៕