បច្ចេកទេសថតរូបពេលយប់បានកាន់តែស្អាត ជាមួយ Bulb mode

2017-10-12 08:27:45
ចំនួនមតិ 0 | ចំនួនចែករំលែក 0

ចន្លោះមិនឃើញ

កាមេរ៉ា DSLR និង Mirrorless ភាគច្រើនមាននូវមុខងារ Bulb Mode ដែលក្នុង Menus ឬប៊ូតុងលើកាមេរ៉ា។ អ្នកអាចគិតថា Bulb Mode ជា Time Travel Mode ដែលធ្វើឲ្យមុខងារកាមេរ៉ាអ្នកដូចទៅនឹងកាមេរ៉ាពី ១០០ ឆ្នាំមុនដែលពេលអ្នកច្របាច់នូវ Bulb (ដុំទន់ៗ ឬអំពូល) ដើម្បីបើក Shutter បន្ទាប់មកប្រលែងដៃលើ Bulb ដើម្បីបិទ។

កាមេរ៉ាទំនើបភាគច្រើនអាចឲ្យអ្នកកំណត់នូវ Shutter speed ពី 1/4000th នៃ ១ វិនាទី និង ៣០ វិនាទីដែលផ្ដល់នូវ Range ដ៏ល្អក្នុងការបង្កើតនូវរូបភាពបែបច្នៃប្រឌិត។ Shutter speed ទាំងនេះដំណើរការរួមគ្នាជាមួយនឹង Light meter របស់កាមេរ៉ាក៏ដូចជា ISO និង Lens aperture ដើម្បីជួយដល់ការកំណត់កម្រិតពន្លឺលើរូបភាពបានកាន់តែល្អ។ អត្ថប្រយោជន៍នៃ Bulb Mode អាចឲ្យអ្នករក្សានូវ Shutter បើកបានយូរតាមតែអ្នកចង់បានសម្រាប់ ១ នាទី, ៥ នាទី, ១០ នាទី ឬយូរជាងនេះ ហើយអ្វីដែលមានព្រំដែនគឺថ្មកាមេរ៉ាដែលបើកទ្វារជំហរចោល។

ស្វែងរក Bulb Mode

Bulb Mode ទាក់ទងនឹងការ Control លើ Shutter ដូច្នេះដំបូងអ្នកគួរប្រើប្រាស់ Shutter Priority mode ប៉ុន្តែមិនទាំងអស់នោះទេ។ កាមេរ៉ាភាគច្រើន អ្នកត្រូវការប្រើប្រាស់ Manual Mode បន្ទាប់មកកំណត់នូវ Shutter speed ឲ្យទាបបំផុតតាមដែលអាចទៅរួច។ អ្នកអាចបន្ថយនូវល្បឿនចំនួន ៥ វិនាទី, ១០ វិនាទីដែលចំណុចណាមួយអ្នកបង្វិលលើប៊ូតុង Dial មួយទៀតនឹងអាចឲ្យកាមេរ៉ាប្រើប្រាស់នូវ Bulb Mode។ ប្រសិនបើវាមិនដំណើរការនោះទេ ប្រហែលជាកាមេរ៉ាអ្នកគ្មាននូវ Bulb Mode នោះទេ ដូច្នេះអ្នកអាចស្រាវជ្រាវពីម៉ូដែលកាមេរ៉ា ដែលអាចគាំទ្រដល់ Bulb Mode ឬអត់តាម Google ឬសួរអ្នកលក់។

ស្វែងយល់ពី Bulb Mode

ការថតរូបក្នុង Bulb Mode ពេលខ្លះអ្នកប្រហែលជាគិតថាកាមេរ៉ាខូច ដែល Light meter មិនដំណើរការ ហើយមិនបង្ហាញនូវ Exposure settings ដែលគួរតែប្រើប្រាស់ក្នុងការទទួលបាននូវរូបភាពមានពន្លឺគ្រប់គ្រង តែវាមិនមែនជាបញ្ហា។ ស្ថានភាពនេះកើតឡើងដោយសារកាមេរ៉ាអ្នកមិនដឹងនូវរយៈពេលដែល Shutter បើក ហើយដោយគ្មានព័ត៌មាននោះ វាមិនអាចបង្ហាញប្រសិនបើរូបភាពដែលនឹងថតនោះ ភ្លឺ, ងងឹត ឬមានពន្លឺគ្រប់គ្រាន់។ វិធីល្អបំផុតក្នុងការស្វែងយល់នូវ Settings ណាមួយក្នុងការប្រើប្រាស់ គឺការសាកល្បងជាបន្តបន្ទាប់។ ពេលអ្នកប្រើប្រាស់ Bulb Mode កាន់តែច្រើនដង អ្នកនឹងអាចស្វែងយល់នូវតម្លៃនៃ Settings ដូចជា Aperture និង ISO។

ការប្រើប្រាស់ប៊ូតុង

លក្ខណៈនៃការគ្រប់គ្រង Shutter ក៏មានសារៈសំខាន់ផងដែរ។ ដើម្បីបើក Shutter អ្នកអាចចុចប៊ូតុង Shutter ហើយបើចង់បិទ Shutter អ្នកអាចដកម្រាមដៃសង្កត់នោះចេញ។ Shutter នៅតែបើកដរាបណា ម្រាមដៃអ្នកនៅសង្កត់លើប៊ូតុង។ ប្រសិនបើអ្នកមានកាមេរ៉ា DSLR អ្នកយកមក រួចកំណត់ Setting ជា Manual ហើយបង្វិលនូវប៊ូតុង Dial រហូតដល់ Bulb Mode បន្ទាប់មកចុចថត។

ក្រោមពន្លឺទាប

Bulb Mode ភាគច្រើនល្អ ពេលថតនៅកន្លែងមានពន្លឺទាប ជាពិសេសពេលយប់ ដែលគ្រប់យ៉ាងងងឹត លើកលែងតែ អ្វីមួយមានពន្លឺ ដែលអ្នកចង់ថត។

ដំណើរការដំឡើងក្នុងការប្រើប្រាស់ Bulb Mode

អ្នកគួររក្សាឲ្យកាមេរ៉ានៅនឹងល្អ ជាមួយនឹង Tripod ល្អមួយ ព្រោះពេលអ្នកធ្វើការជាមួយ Long exposure សូម្បីតែរង្គើបន្តិចពីការចុចប៊ូតុង Shutter ក៏អាចប៉ះពាល់ដល់គុណភាពរូបភាពផងដែរ។ ម្យ៉ាងទៀត ប្រសិនបើអ្នកមាន Remote shutter trigger សម្រាប់កាមេរ៉ា ដូចជា កាសជាដើមកាន់តែល្អ។ លើសពីនេះ អ្នកគួរប្រាកដថា អ្នកបាន Locks នូវ Exposure។

ចំណាំ៖ អ្នកមិនអាចប្រើប្រាស់ Self-timer ចំនួន ២ វិនាទីជាមួយនឹង Bulb Mode នោះទេ ព្រោះវានឹងមិនដំណើរការ។

ចុងក្រោយ អ្នកអាចព្យាយាមប្រើប្រាស់ Aperture តូចចំនួន f/8 ឬ f/11 និង ISO setting ទាបដូចជា ១០០ ឬ ២០០។ ទាំងនេះមិនមែនជាតម្រូវការនោះទេ ដោយអាស្រ័យលើ Subject ដែលអ្នកប្រហែលជាត្រូវការ Aperture ធំទូលាយ ឬ ISO ខ្ពស់ ប្រសិនបើអ្នកចង់ថតរូបផ្កាយ។

ពេលណាប្រើប្រាស់ Bulb Mode

ឥលូវដល់ដំណាក់កាលសាកល្បងប្រើប្រាស់ជាមួយនឹង Bulb Mode។ អ្នកអាចពិនិត្យមើលយោបល់មួយចំនួនខាងក្រោមដើម្បីចាប់ផ្តើម៖

ពេលក្រោយមានផ្គររន្ទះ អ្នកអាចប្រើប្រាស់ Bulb Mode ដើម្បីចាប់យកបន្ទាត់ពន្លឺផ្លេកបន្ទោរ។ អ្នកអនុញ្ញាតឲ្យ Shutter បើកកាន់តែយូរ បន្ទាត់ពន្លឺកាន់តែក្រាស់ ដែលអ្នកថតជាប់។
អ្នកអាចសាកល្បងជាមួយនឹងប្រភេទពន្លឺខុសគ្នាលើ Subjects ដែលអ្នកមាន ដូចជា Light painting (រូបភាពមានពន្លឺ)។
អ្នកអាចដំឡើងនូវ Tripod នៅក្បែរនឹងដងផ្លូវ ដើម្បីថតនូវពន្លឺនៃយានយន្តដែលឆ្លងកាត់ ឬពន្លឺអំពូល ពេលយប់។
អ្នកអាចសាកល្បងឲ្យមិត្តភ័ក្ដិ កាន់កាំជ្រួច ឬពន្លឺភ្លើងអ្វីមួយ បង្វិល រួចធ្វើការថត ប៉ុន្តែគួរជ្រើសរើសកន្លែងស្ងាត់ ឬឆ្នេរសមុទ្រ។
អ្នកអាចប្រើប្រាស់នូវប្រភពពន្លឺផ្សេងៗ ដូចជាពន្លឺពិល កាំជ្រួចខួបកំណើត និងពន្លឺផ្សេងទៀត៕