iOS 11 ស៊ីថ្មខ្លាំង? នេះដំណោះស្រាយ

2017-10-12 23:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រើប្រាស់ iOS 11 មួយចំនួនរអ៊ូថាក្រោយពីអាប់ដេតប្រព័ន្ធប្រតិបត្តិការជំនាន់ថ្មីនេះរួច iPhone ឬ iPad របស់ពួកគេឆាប់អស់ថ្មជាងមុន។

១. ស្វែងរកការអាប់ដេតជំនាន់ចុងក្រោយបង្អស់

មួយរយៈចុងក្រោយនេះ Apple បានបញ្ចេញកំណែទម្រង់ iOS 11 ដល់ទៅបួនដងឯណោះ ដោយក្នុងនោះមានជួសជុលនូវបញ្ហាកើតមានលើ iOS 11 ជំនាន់មុនៗមួយចំនួន។ អ្នកអាចអាប់ដេតទៅជំនាន់ចុងក្រោយបង្អស់ដោយចូលទៅ Settings → General → Software Update។

២. ទើបអាប់ដេត iOS 11? រង់ចាំសិនទៅអ៊ីចឹង!

សម្រាប់អ្នកប្រើប្រាស់មួយចំនួនដែលទើបតែអាប់ដេតឡើង iOS 11 ហើយជួបបញ្ហាថ្មស្រកចុះលឿន ពេលខ្លះរង់ចាំមួយ ឬ ពីរថ្ងៃជាដំណោះស្រាយដើម្បីបញ្ឈប់បញ្ហាស៊ីថ្មនេះ។ មូលហេតុនោះគឺពេលអាប់ដេត iOS ម៉ាស៊ីនបំពេញប្រតិបត្តិការជួសជុលមួយចំនួននៅ Background ដែលធ្វើឲ្យចំណាយថាមពលថ្មច្រើនខុសធម្មតា។

៣. ឆែកមើលថាកម្មវិធីណាស៊ីថ្ម

អ្នកអាចឆែកមើលថាកម្មវិធីណាស៊ីថ្មច្រើនជាងគេ ដោយចូលទៅកាន់ Settings → Battery → Battery Usage ។ ប្រសិនបើឃើញថាកម្មវិធីណាស៊ីថ្មច្រើនគួរសាកល្បងអាប់ដេតកម្មវិធីនោះ ឬ កាត់បន្ថយប្រើប្រាស់វា។

៤. Restart ទូរសព្ទ

ពេលខ្លះការ Restart (បិទរួចបើកទូរសព្ទវិញ) ក៏អាចជួយដោះស្រាយបញ្ហាស៊ីថ្មបានដែរ ដោយវាអាចបញ្ឈប់ដំណើរការមិនបានការទាំងឡាយនៅ Background។

៥. បិទមុខងារ Raise to Wake

មុខងារ Raise to Wake ជាមុខងារមានប្រយោជន៍មួយ ប៉ុន្តែវាក៏ជាចំណែកមួយធ្វើឲ្យថ្មទូរសព្ទឆាប់អស់ដែរ។ ដើម្បីបិទមុខងារនេះចូលទៅកាន់ Settings → Display & Brightness → Raise to Wake → រួចចុចយក Off។

៦. បិទ Background App Refresh

Background App Refresh អាចឲ្យកម្មវិធីមួយចំនួននៅមានដំណើរការនៅ Background បាន។ វាមានប្រយោជន៍មែន ប៉ុន្តែធ្វើឲ្យទូរសព្ទឆាប់អស់ថ្មបំផុត ជាពិសេសចំពោះកម្មវិធីបណ្ដាញសង្គមដូចជា Facebook ជាដើម។ ដូចនេះអ្នកអាចបិទវាដោយចូលទៅកាន់ Settings → General → Background App Refresh → រូចចុចយក Off។

៧. បន្ថយពន្លឺអេក្រង់

អេក្រង់បញ្ចេញពន្លឺភ្លឺពេកក៏ជាផ្នែកមួយជួយឲ្យថ្មឆាប់អស់ដែរ ដូចនេះគួរបន្ថយពន្លឺអេក្រង់របស់អ្នកឲ្យសមស្របទៅនឹងកម្រិតដែលអ្នកគិតថាងាយស្រួលមើល ដោយមិនភ្លឺពេកនោះទេ។ អ្នកអាចកំណត់ពន្លឺដោយចូលទៅ Settings → Display & Brightness → Brightness រួចធ្វើការកំណត់ពន្លឺតាមការចង់បាន។

៨. បិទការប្រើប្រាស់មុខងារ Location ដែលមិនចាំបាច់

ការបិទមុខងារ Location Services សម្រាប់កម្មវិធីមួយចំនួនដែលអ្នកមិនប្រើប្រាស់ក៏អាចជួយសន្សំសំចៃថាមពលបានមួយកម្រិតដែរ។ ដើម្បីបិទមុខងារនេះសម្រាប់កម្មវិធីនីមួយៗអាចចូលទៅ Settings → Privacy → Location Services ។

៩. ប្រើមុខងារ Low Power Mode

ដំណើរការមុខងារ Low Power Mode វានឹងបិទមុខងារមួយចំនួនដូចជាការឆែកម៉ែលដោយស្វ័យប្រវត្តិ, បិទមុខងារ Background App Refresh, បន្ថយពន្លឺអេក្រង់ និងធ្វើកិច្ចការមួយចំនួនទៀតដែលសន្សំសំចៃថ្មបានមួយកម្រិត។ ចូលទៅកាន់ Settings → Battery → Low Power Mode → រួចជ្រើសយក On ដើម្បីដំណើរការមុខងារនេះ៕

ប្រភព៖ osxdaily ប្រែសម្រួល៖ សុខហេង

ពាក្យទាក់ទង

គន្លឹះខ្លីៗលើ iOS

អត្ថបទពេញនិយម

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

រំភើបណាស់! មាស២គីឡូក្រាម កំពុងរងចាំជម្រើសជាតិបាល់ទះកម្ពុជាឈ្នះព្រឹត្តិការណ៍មួយនេះ

សម្តេចតេជោ បានជួយ ១០ម៉ឺនដុល្លារ ដើម្បីព្យាបាលលោកសាស្រ្តាចារ្យ សំបូរ ម៉ាណ្ណារ៉ា ប៉ុន្តែនៅមិនអាចសង្គ្រោះបាន

ស្ពាន ចាក់អង្រែក្រោម-ព្រែកប្រា៖ សសរគ្រឹះ ២៤ដើម នៃជើងតាងទី៩ ចាក់បេតុងរួចរាល់ ១០០%

អត្ថបទថ្មី

Unai Emery បានបន្តកុងត្រាថ្មីបន្តដឹកនាំ Aston Villa ថែម១រដូវកាលទៀត

ល្បីថា AC Milan បានសម្រេចដេញគ្រូបង្គោលរបស់ខ្លួននៅចុងរដូវកាលនេះ

ប្រធានក្លឹប Barca ទទូចចង់ឱ្យប្រកួត El Clasico លេងឡើងវិញ

កក្រើកមិនខាន! ក្រុមហ៊ុនម៉ូដែល CIM ប្រកាសរៀបចំកម្មវិធីធំ ៥ ក្នុងពេលតែមួយ

ភេសជ្ជៈប៉ូវកម្លាំងគ្រុឌនាំយកកម្មវិធីប្រកួតរាំដ៏ធំអស្ចារ្យដំបូងគេបង្អស់នៅកម្ពុជា Krud Dance Idols

នៅបរិវេណប្រាសាទបាយ័នស្អែកនេះ នឹងបើកកម្មវិធីសម្តែងក្បាច់គុនសាវលីញ និងគុនល្បុក្កតោ