Volkswagen គ្រោងផលិតរថយន្តអគ្គិសនីធន់ធំនៅឆ្នាំ ២០២២
- 2017-10-12 13:36:25
- ចំនួនមតិ 0 | ចំនួនចែករំលែក 0
Volkswagen គ្រោងផលិតរថយន្តអគ្គិសនីធន់ធំនៅឆ្នាំ ២០២២
ចន្លោះមិនឃើញ
ក្រុមហ៊ុនមេ Volkswagen Group (VW Group) ដែលគ្របដណ្ដប់បុត្រសម្ព័ន្ធដូចជា Volkswagen, Audi និង Porsche ទើបតែបង្ហាញពីគម្រោងផលិតរថយន្តអគ្គិសនីធន់ធំរូបរាងដូច រថយន្តដឹកទំនិញនិងរថយន្តក្រុង ។ លោក Andreas Renschler ប្រធានក្រុមហ៊ុនផលិតរថយន្តដឹកទំនិញនិងរថយន្តក្រុងរបស់ Volkswagenប្រាប់សារព័ត៌មាន Bloomberg ថា VW Group នឹងវិនិយោគ ១,៧ ប៊ីលានដុល្លារនៅឆ្នាំ ២០២២ ដើម្បីអភិវឌ្ឍន៍យានយន្តអេឡិចត្រូនិកនិងបច្ចេកវិទ្យាដទៃផ្សេងទៀតដូចជាប្រព័ន្ធបើកបរស្វ័យប្រវត្តិ និងការគ្រប់គ្រងចំនួនរថយន្តផ្អែកលើអ៊ីនធឺណិត ។
ព័ត៌មាននេះកើតមានក្នុងព្រឹត្តិការណ៍ Innovation Day របស់ VW Group ធ្វើឡើងក្នុងក្រុង Hamburg ប្រទេសអាល្លឺម៉ង់ដែលបង្ហាញពីការអភិវឌ្ឍចុងក្រោយពីក្រុមហ៊ុនផលិតរថយន្តដឹកទំនិញនិងរថយន្តក្រុង ។ ក្រុមហ៊ុន Volkswagen បានបង្ហាញពីគំរូផលិតរថយន្តអគ្គិសនីនៅឯព្រឹត្តិការណ៍ខាងលើ ដែលជារថយន្តដឹកទំនិញអគ្គិសនីពេញលេញ ។
ប្រព័ន្ធអេឡិចត្រូនិកថ្មីនឹងត្រូវបានអនុវត្តនៅទូទាំងក្រុមហ៊ុនស្ថិតក្រោមដំបូលរបស់ VW Group ខណៈរថយន្តក្រុងអគ្គិសនីទាំងអស់នឹងមកពីក្រុមហ៊ុនផលិតរថយន្តធន់ធំ MAN និង Scania របស់អឺរ៉ុបនៅឆ្នាំក្រោយ ។ លោក Renschler និយាយថា កាតព្វកិច្ចមួយក្នុងចំណោមកាតព្វកិច្ចច្រើនដែលយើងត្រូវផ្តោតលើការអភិវឌ្ឍរបស់ VW គឺការបង្កើនបច្ចេកវិទ្យាថ្មដើម្បីបង្កើតរថយន្តអគ្គិសនីធន់ធំឱ្យកាន់តែទាក់ទាញដល់ក្រុមហ៊ុនរថយន្តដឹកទំនិញ និងដឹកជញ្ជូនខណៈបច្ចុប្បន្នវាមានសភាពធំសំពីងសំពោងនឹងតម្លៃថ្លៃហើយការផ្ទុកទំនិញវិញត្រូវកាត់បន្ថយសម្រាប់រថយន្តពាណិជ្ជកម្ម ។ ។ មិនមែនតែ VW នោះទេដែលប្រកាសគម្រោងផលិតរថយន្តអគ្គិសនីពោលគឺក្រុមហ៊ុន Mercedes-Benz និង Tesla កំពុងមមាញឹកផលិតរថយន្តអគ្គិសនីដឹកទំនិញធន់ធំរបស់ពួកគេ ។ ប៉ុន្តែសម្រាប់ VW Group ជ្រើសរើសយកប្រព័ន្ធសម្អាតថ្មីជាហេតុផលបន្ថែមមួយទៀត៕