Klopp ធ្លាប់ចង់ដឹកនាំ Man Utd មុនមក Liverpool

2017-10-12 13:54:06
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតគ្រូបង្វឹកក្លឹបអាល្លឺម៉ង់ Mainz 05 លោក Eckhard Krautzun កាលពីពេលថ្មីៗនេះបាននិយាយថា លោក Jurgen Klopp ធ្លាប់បង្ហើបប្រាប់ខ្លួនថាចង់ដឹកនាំក្លឹបបិសាចក្រហម Manchester United។

លោក Eckhard Krautzun

លោក Krautzun បានថ្លែងទៅសារព័ត៌មាន TheSetPieces ថា "Klopp បានប្រាប់ខ្ញុំថា វាគឺជាសុបិនរបស់គាត់ ដើម្បីទៅដឹកនាំក្នុងក្លឹបក្នុងលីគកំពូលអង់គ្លេសក្នុងថ្ងៃណាមួយ ហើយក្លឹបដែលគាត់ចូលចិត្តជាងគេគឺ ក្លឹប Manchester United"។ បុរសសញ្ជាតិអាល្លឺម៉ង់វ័យ ៧៦ឆ្នាំរូបនេះ ក៏បានបង្ហើបទៀតថា ខ្លួនធ្លាប់បានប្រាប់រឿងនេះទៅលោក Alex Ferguson ដែរ នៅពេលអតីតអ្នកចាត់ការក្លឹបបិសាចក្រហមរូបនេះបានសម្រេចចិត្តចូលនិវត្តន៍កាលពីឆ្នាំ ២០១៣ តែចុងក្រោយ ក្លឹប Manchester United បែរជាតែងតាំងលោក David Moyes ជាអ្នកដឹកនាំបន្តទៅវិញ។ លោក Krautzunបានបន្តទៀតថា៖ "ប៉ុន្តែបន្ទាប់ពីចាកចេញពី Dortmund អស់រយៈពេល ៣ ទៅ ៤ខែមក ហើយនៅពេលនោះ Liverpool បានធ្វើការទាក់ទងមក ខ្ញុំដឹងថា គាត់នឹងមិនរារែកក្នុងការទទួលទេ ព្រោះគាត់ចង់ទៅដឹកនាំក្លឹបកំពូលមួយនៅអង់គ្លេស"។

លោក Eckhard Krautzun ជាគ្រូបង្វឹកដឹកនាំក្លឹប Mainz 05 បន្ទាប់ពី Jurgen Klopp ធ្លាប់ដឹកនាំក្លឹបអាល្លឺម៉ង់មួយនេះក្នុងឆ្នាំ ២០០១។ ៧ ឆ្នាំក្រោយមក Klopp បានចាកចេញទៅគ្រប់គ្រងក្លឹប Borussia Dortmund រហូតដល់ឆ្នាំ ២០១៥។ ខែតុលាឆ្នាំ ២០១៥ លោក Klopp ត្រូវបានក្លឹបហង្សក្រហម Liverpool តែងតាំងជាអ្នកចាត់ការរបស់ក្លឹប បន្ទាប់ពីលោក Brendan Rodger ត្រូវបានបណ្ដេញចេញ។ ចំណែកក្លឹប Manchester United វិញ តាំងពីលោក Alex Ferguson ចូលនិវត្តន៍ឆ្នាំ ២០១៣ មក បានដូរចេញអ្នកចាត់ការចំនួន ៣ រូបហើយ។ Liverpool នឹងបើកទ្វារស្វាគមន៍ក្លឹប Manchester United ក្នុងការប្រកួតក្របខ័ណ្ឌលីគកំពូលអង់គ្លេស នៅថ្ងៃសៅរ៍ខាងមុខនេះ៕

ប្រភព៖ Goal ប្រែសម្រួល៖ ហ៊ីម រស្មី

ពាក្យទាក់ទង

ព័ត៌មានកីឡាអន្តរជាតិ-International Sport News Jurgen Klopp

អត្ថបទពេញនិយម

ដឹងអត់! ភាគច្រើនបញ្ហា ៥យ៉ាងនេះហើយដែលធ្វើឱ្យឡានចេញ Check

ភ្ញាក់ផ្អើលចំនួនភ្ញៀវទេសចរទៅលេងកំពត អំឡុងចូលឆ្នាំ៤ថ្ងៃ ក្រោយមានរូបសេះសមុទ្របាញ់ទឹក

តារាចម្រៀងរាប់ភ្លេចលើលោក ប៉ុន្តែមានតែ ២៩នាក់ជាប់ជា «បុគ្គលមានឥទ្ធិពលខ្លាំង» លើ Instagram

ចិត្តដូចគ្នាណាស់! បវរកញ្ញា ៣រូប លើកយកសារ៉ុងខ្មែរមកច្នៃជាឈុត fashion ដើម្បីផ្សព្វផ្សាយ

សិង្ហបុរីនឹងមាននាយករដ្ឋមន្ត្រីថ្មីនៅខែក្រោយ

Mbappe មិនដូរចិត្ត ទោះជួយ PSG ឡើងវគ្គពាក់កណ្ដាលផ្ដាច់ព្រ័ត្រ UCL

អត្ថបទថ្មី

លីគកំពូលអង់គ្លេសនឹងប្រើបច្ចេកវិទ្យាថ្មីក្នុងការចាប់ Offside

Bayer Leverkusen ឈ្នះពានលីគអាល្លឺម៉ង់ បំបាក់ជើងឯកឆ្នាំចាស់ Bayern Munich

Mbappe មិនដូរចិត្ត ទោះជួយ PSG ឡើងវគ្គពាក់កណ្ដាលផ្ដាច់ព្រ័ត្រ UCL

ពេញចិត្ត ឬមិនពេញចិត្ត ភឹម ស្រីនោ ស្នើរមហាជនរិះគន់ក្នុងន័យស្ថាបនាដល់ម្ចាស់ជយលាភី MGC 2024

Tim Cook ទៅទស្សនកិច្ចនៅវៀតណាម ចង់ពង្រីកការវិនិយោគ! តើអាចទៅរួចទេ បើករោងចក្រដំឡើង iPhone?

សន្សំប្រាក់ក៏ឈ្នះរង្វាន់ពីធនាគារ ស្ថាបនា! អតិថិជននឹងមានឱកាសឈ្នះមាស និងរង្វាន់យ៉ាងស្រស់ស្អាតពីគណនីសន្សំឆ្លាតវៃ