ការប្រកួតធំ៣ នឹងធ្វើឡើងនៅចុងសប្ដាហ៍នេះ កុំភ្លេចចូលរួមទស្សនា

2017-10-13 02:30:15
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅចុងសប្ដាហ៍នេះ ការប្រកួតធំ៣ នឹងចាប់ផ្ដើមដែលធ្វើឱ្យអ្នកគាំទ្រកម្ពុជាសប្បាយចិត្តនឹងទស្សនាជាក់ជាមិនខាន។ ការប្រកួតទាំង៣នោះរួមមាន៖

១. ផ្ដាច់ព្រ័ត្រ Futsal ជាតិ

ជើងខ្លាំងមិនដែលចាញ់ កំចាយមារ នឹងត្រូវប្រយុទ្ធស្លាប់រស់ជាមួយក្រុមសម្បូរទ្រនិច ឪម៉ាល់ ក្នុងវគ្គផ្ដាច់ព្រ័ត្រនៃការប្រកួតបាល់ទាត់ពានរង្វាន់ក្នុងសាលជាតិ ក្លៀរ CLEAR National Futsal Cup 2017 នៅថ្ងៃសៅរ៍ ទី១៤ តុលានេះហើយ នៅទីលាន Clear Arena The Blue Sports Center បន្ទាប់ពីប្រកួតជម្រុះអស់ជិត ៣ ខែមក។ ការប្រកួតនេះ នឹងធ្វើឡើងចាប់ពីម៉ោង៥ល្ងាចតទៅ។

២. លីគកំពូលកម្ពុជាក្រុមខ្លាំង top4 ប៉ះគ្នា

ព្រះខ័នរាជស្វាយរៀង ដែលឈរលើកំពូលតារាង នឹងត្រូវជួបក្រុមលេខ៤ បឹងកេត នៅកីឡដ្ឋានស្វាយរៀង ខណៈក្រុមភ្នំពេញក្រោន ដែលឈរលេខ៣ នឹងស្វាគមន៍ភ្ញៀវ ណាហ្គាវើល ដែលមានពិន្ទុលើសខ្លួនចំនួន ១ពិន្ទុ។ ចំណែក ក្រសួងការពារជាតិ នឹងទទួលក្រុម Cambodian Tiger នៅលេខ៥ នៅកីឡដ្ឋានកងយោធពលខេមរភូមិន្ទ។ ការប្រកួតទាំងអស់ ធ្វើឡើងនៅម៉ោង ៦ល្ងាចដូចគ្នាទាំងអស់ នាថ្ងៃសៅរ៍ចុងសប្ដាហ៍នេះ។

៣. លីគលំដាប់ទី២វគ្គផ្ដាច់ព្រ័ត្រ

ការប្រកួតលីគលំដាប់ទី២ នឹងឈានចូលដល់វគ្គផ្ដាច់ព្រ័ត្រនៅថ្ងៃអាទិត្យទី១៥ខែតុលាឆ្នាំ២០១៧នេះហើយ ដោយវាជាការប៉ះគ្នារវាងក្រុមវិសាខា និងយុវជនទន្លេបាទី។ ការប្រកួតនេះទៀតសោត នឹងធ្វើឡើងវេលាម៉ោង៦ល្ងាច នៅពហុកីឡដ្ឋានជាតិ។

អត្ថបទ៖ មុន្នីរម្យ