ចូលមើលខាងក្នុងផ្ទះ ថ្លៃបំផុតលើពិភពលោក ដែលកំពុងដាក់លក់ តម្លៃកប់ពពក
- 2017-10-13 02:45:00
- ចំនួនមតិ 0 | ចំនួនចែករំលែក 0
ចូលមើលខាងក្នុងផ្ទះ ថ្លៃបំផុតលើពិភពលោក ដែលកំពុងដាក់លក់ តម្លៃកប់ពពក
ចន្លោះមិនឃើញ
ផ្ទះដែលមានតម្លៃថ្លៃជាងគេបំផុតនៅលើពិភពលោក បានដាក់លក់នៅក្នុងតម្លៃរហូតដល់ទៅ ៤១៨លានដុល្លារ។
ផ្ទះវិឡា Villa Les Cèdres ដែលមានទំហំ ១ ៦៧២ម៉ែត្រការ៉េនេះ ស្ថិតនៅក្នុងតំបន់ South of France នៃប្រទេសបារាំង។ វាត្រូវបានសាងសង់ឡើង កាលពីឆ្នាំ១៨៧ នៅលើទំហំផ្ទៃដី ៣៥ហិចតា ដោយមានបន្ទប់គេង ចំនួន១៤។
ផ្ទះវិឡាខាងលើ ធ្លាប់ជាកម្មសិទ្ធិរបស់អតីតស្ដេចបែលហ្សិក King Leopold II កាលពីឆ្នាំ១៩០៤។ មិនតែប៉ុណ្ណោះ វាក៏ធ្លាប់ជាកម្មសិទ្ធិរបស់ចៅហ្វាយក្រុង Villefranche-sur-Mer ដែលប្រើវាជាកសិដ្ឋានសម្រាប់ដើមអូលីវផងដែរ។
ជាមួយគ្នានេះដែរ ផ្ទះវិឡាដ៏ធំស្កឹមស្កៃនេះ នៅតែមានសួនច្បារ ដែលស្រស់ស្អាតបំផុតនៅអឺរ៉ុប ដែលរាប់បញ្ចូលទាំងទេសភាពដ៏ស្រស់ស្អាតនៃផ្កា ចំនួន ១៥ ០០០ដើម និង ផ្ទះកញ្ចក់ចំនួន ២០ខ្នង ដែលផ្ទុកទៅដោយរុក្ខជាតិត្រូពិកដ៏កម្រ។ លើសពីនេះទៅទៀត ផ្ទះនោះមានសាលសម្រាប់រាំ , អាងហែលទឹក ទំហំស្តង់ដារអូឡាំពិក និង រោងចិញ្ចឹមសេះចំនួន ៣០ក្បាលទៀតផង។
អ្នកជិតខាងដែលរស់នៅជាប់នោះ រួមមានដូចជា អ្នកនិពន្ធជនជាតិអង់គ្លេស លោក Andrew Lloyd Webber និងសហស្ថាបនិកក្រុមហ៊ុន Microsoft លោក Paul Allen ផងដែរ។
គួរបញ្ជាក់ឲ្យដឹងថា ផ្ទះវិឡាខាងលើ បច្ចុប្បន្នជាកម្មសិទ្ធិរបស់ម្ចាស់ក្រុមហ៊ុនបិតស្រាអ៊ីតាលី Davide Campari-Milano SpA៕
ចុចអាន៖