ចូលមើលខាងក្នុងផ្ទះ ថ្លៃបំផុតលើពិភពលោក ដែលកំពុងដាក់លក់ តម្លៃកប់ពពក

2017-10-13 02:45:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ផ្ទះដែលមានតម្លៃថ្លៃជាងគេបំផុតនៅលើពិភពលោក បានដាក់លក់នៅក្នុងតម្លៃរហូតដល់ទៅ ៤១៨លានដុល្លារ។

ផ្ទះវិឡា Villa Les Cèdres ដែលមានទំហំ ១ ៦៧២ម៉ែត្រការ៉េនេះ ស្ថិតនៅក្នុងតំបន់ South of France នៃប្រទេសបារាំង។ វាត្រូវបានសាងសង់ឡើង កាលពីឆ្នាំ១៨៧ នៅលើទំហំផ្ទៃដី ៣៥ហិចតា ដោយមានបន្ទប់គេង ចំនួន១៤។

ផ្ទះវិឡាខាងលើ ធ្លាប់ជាកម្មសិទ្ធិរបស់អតីតស្ដេចបែលហ្សិក King Leopold II កាលពីឆ្នាំ១៩០៤។ មិនតែប៉ុណ្ណោះ វាក៏ធ្លាប់ជាកម្មសិទ្ធិរបស់ចៅហ្វាយក្រុង Villefranche-sur-Mer ដែលប្រើវាជាកសិដ្ឋានសម្រាប់ដើមអូលីវផងដែរ។

ជាមួយគ្នានេះដែរ ផ្ទះវិឡាដ៏ធំស្កឹមស្កៃនេះ នៅតែមានសួនច្បារ ដែលស្រស់ស្អាតបំផុតនៅអឺរ៉ុប ដែលរាប់បញ្ចូលទាំងទេសភាពដ៏ស្រស់ស្អាតនៃផ្កា ចំនួន ១៥ ០០០ដើម និង ផ្ទះកញ្ចក់ចំនួន ២០ខ្នង ដែលផ្ទុកទៅដោយរុក្ខជាតិត្រូពិកដ៏កម្រ។ លើសពីនេះទៅទៀត ផ្ទះនោះមានសាលសម្រាប់រាំ , អាងហែលទឹក ទំហំស្តង់ដារអូឡាំពិក និង រោងចិញ្ចឹមសេះចំនួន ៣០ក្បាលទៀតផង។