Razer ល្បីខាងកុំព្យូទ័រលេងហ្គេម ឥឡូវផលិតទូរសព្ទ សមត្ថភាពកប់!
- 2017-10-13 02:53:14
- ចំនួនមតិ 0 | ចំនួនចែករំលែក 0
Razer ល្បីខាងកុំព្យូទ័រលេងហ្គេម ឥឡូវផលិតទូរសព្ទ សមត្ថភាពកប់!
ចន្លោះមិនឃើញ
នៅថ្ងៃទី ១ ខែវិច្ឆិកា ខាងមុខក្រុមហ៊ុន Razer ដែលល្បីឈ្មោះដោយសារកុំព្យូទ័រលេងហ្គេម នឹងប្រកាសចេញស្មាតហ្វូនដំបូងរបស់ខ្លួន។ មុនការប្រកាសចេញនេះក៏មានការលេចចេញនូវលក្ខណៈសម្បត្តិរបស់ស្មាតហ្វូន Razer នៅលើវិបសាយ GFXBench ផងដែរ។
ស្មាតហ្វូន Razer មានបំពាក់អេក្រង់ ៥,៧ អ៊ីញកម្រិត Resolution 1440 x 2560 ភីកសែល ដោយមិនច្បាស់ថានឹងមានរចនាបថអេក្រង់បែបណានោះទេ។ វានឹងមានកម្លាំងខ្លាំងដោយសារមានបំពាក់បន្ទះឈីប Snapdragon 835 និងមាន RAM ដល់ ៨ GB។
ស្មាតហ្វូន Razer ដែលបច្ចុប្បន្នមិនទាន់ស្គាល់ឈ្មោះពិតប្រាកដនឹងដំណើរការដោយប្រព័ន្ធប្រតិបត្តិការ Android 7.1.1 Nougat, មានអង្គផ្ទុកទិន្នន័យទំហំ ៦៤ GB, កាមេរ៉ាមុខ ៨ MP និងកាមេរ៉ាក្រោយ ១២ MP អាចថតវីដេអូ 4K។ របាយការណ៍ចេញផ្សាយកន្លងទៅឲ្យដឹងថាស្មាតហ្វូននេះនឹងផលិតជាពិសេសសម្រាប់អ្នកចូលចិត្តលេងហ្គេម។
ទាក់ទងនឹងព័ត៌មានដទៃទៀតរង់ចាំតាមដានការប្រកាសចេញជាផ្លូវការនៅដើមខែក្រោយទាំងអស់គ្នា៕