Messi នឹងបានប្រាក់លើកទឹកចិត្ត១០០លានដុល្លារ ឲ្យតែព្រមចុះកុងត្រាថ្មីនៅ Barca
- 2017-10-13 03:01:24
- ចំនួនមតិ 0 | ចំនួនចែករំលែក 0
Messi នឹងបានប្រាក់លើកទឹកចិត្ត១០០លានដុល្លារ ឲ្យតែព្រមចុះកុងត្រាថ្មីនៅ Barca
ចន្លោះមិនឃើញ
បច្ចុប្បន្ន Lionel Messi គឺអ្នកកីឡាករបាល់ទាត់អ្នកមានម្នាក់ក្នុងពិភពលោក ហើយពេលខាងមុខគេនឹងអាចបំបែកកំណត់ថ្មីមួយទៀតសម្រាប់ប្រាក់លើកទឹកចិត្តប្រសិនព្រមចុះកិច្ចសន្យាថ្មីជាមួយ Barcelona។
យោងតាម Dailymail បានឲ្យដឹងថា Barcelona គ្រោងម្ដងទឹកប្រាក់លើកទឹកចិត្ត១០០លានដុល្លារដល់ Messi ដើម្បីឲ្យគេពង្រីកកុងត្រាជាមួយក្លឹប។ បន្ថែមលើប្រាក់លើកទឹកចិត្តនេះ ប្រសិនកីឡាករវ័យ៣០ឆ្នាំយល់ព្រមបន្តនៅអេស្ប៉ាញ ក្នុងកុងត្រាថ្មីគេនឹងបានប្រាក់បៀវត្សរ៍៦៥ម៉ឺនដុល្លារ ក្នុងមួយសប្ដាហ៍។
ប្រភពដដែលបន្តថា ១០០លានដុល្លារនេះ គឺជាកំណត់ត្រាប្រាក់លើកទឹកចិត្តច្រើនជាងគេក្នុងបាល់ទាត់។ ការហ៊ានចំណាយបែបនេះ ដោយសារក្រុមនៅតំបន់ Catalan មួយនេះចង់រក្សាកំពូលកីឡាករអាហ្សង់ទីនខាងលើ ក្រោយមានពាក្យចចាមអារ៉ាម Manchester City ចង់ជះលុយដ៏មហាសាលផ្ទេររូបគេ។
Barcelona ជាក្លឹបអ្នកមានមួយក្នុងលោក តែបើកុងត្រាខាងលើកើតឡើងមែន នោះពួកគេនឹងចំណាយ៨៤%នៃប្រាក់ចំណូលប្រចាំឆ្នាំទៅលើប្រាក់ខែ និងប្រាក់លើកទឹកចិត្តរបស់ Messi ។ ក្លឹបក៏សង្ឃឹមថា នឹងមានការឧបត្ថម្ភដាក់ផ្ទាំងផ្សព្វផ្សាយនៅ Nou Camp បន្ថែមទៀតនៅដើមឆ្នាំខាងមុខ ដើម្បីយកប្រាក់ផ្គត់ផ្គង់ផ្ដល់ឲ្យ Messi៕
ចុចអាន៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
