វីជេ អាណូ បញ្ជាក់បញ្ហាក្នុងគ្រួសារដល់ថ្នាក់ចង់សម្លាប់ខ្លួន
- 2017-10-13 03:39:26
- ចំនួនមតិ 0 | ចំនួនចែករំលែក 0
វីជេ អាណូ បញ្ជាក់បញ្ហាក្នុងគ្រួសារដល់ថ្នាក់ចង់សម្លាប់ខ្លួន
ចន្លោះមិនឃើញ
កាលពីប៉ុន្មានថ្ងៃមុននេះ សួន ភក្ដី ហៅ វីជេ អាណូ បានបង្ហោះសារ រៀបរាប់ពីផលលំបាកក្នុងជីវិតក្រោយពីនាងជ្រើសរើសស្វាមីខុស ហើយរងទុក្ខវេទនាម្នាក់ឯងរហូតដល់ថ្នាក់ចង់សម្លាប់ខ្លួន។
ជុំវិញរឿងរ៉ាវដែលកើតមានឡើងខាងលើនេះ វីជេ អាណូ បានប្រាប់ Sabay ថាគឺជាការពិតទាំងអស់ ព្រោះនាងបានជ្រើសរើសស្វាមីខុសមិនសមតាមបំណងប្រាថ្នា ទើបធ្វើឲ្យជីវិតរងទុក្ខវេទនា ចង់ស្លាប់ក៏ស្លាប់មិនបាន ព្រោះតែបានសន្យាជាមួយកូនហើយ ថាមិនឲ្យពួកគេវេទនាដូចខ្លួន។ ដូច្នេះជីវិតត្រូវតែតស៊ូពុះពាររាល់គ្រប់ឧបសគ្គដើម្បីអនាគតកូនជាទីស្រឡាញ់ស្មើជីវិត។
ក្រៅពីជ្រើសរើសគ្រួសារខុសហើយ ចំណែកឯការរាប់អានមនុស្សក៏មិនសមប្រកបទៀត ជួបតែអ្នកដែលរាប់អានមិនស្មោះត្រង់។ តែអ្វីដែលសំខាន់ជាងនេះទៅទៀតនោះ អាណូ មិនអាចជ្រើសរើសកន្លែងកើតបានទើបធ្វើឲ្យជីវិតនាងជួបតែបញ្ហាមិនចេះចប់ដូច្នេះ។
នាងថា៖“អ្វីដែលបងសរសេរនៅលើហ្វេសប៊ុកគឺជាការពិតទាំងអស់ បងជួបប្រទះរឿងរ៉ាវបែបហ្នឹងទើបបងសរសេរចេញពីចិត្តមកបាន។ ជីវិតមនុស្សយើងតែបែបហ្នឹង បើជ្រើសរើសផ្លូវត្រូវគឺត្រូវ បើជ្រើសខុសគឺខុសហើយ តែបងមិនរាថយទេត្រូវតែដើរទៅមុខជានិច្ចដើម្បីអនាគតកូនៗបង"។
ចុចអាន៖សុទ្ធតែស្អាត! ២១ឈុតតំណាងជាតិពិសេសៗរបស់ Miss Grand International