Man United ទៅធ្វើសង្គ្រាមនៅ Anfield ដោយគ្មានកម្លាំងសំខាន់៣រូប
- 2017-10-13 04:19:56
- ចំនួនមតិ 0 | ចំនួនចែករំលែក 0
Man United ទៅធ្វើសង្គ្រាមនៅ Anfield ដោយគ្មានកម្លាំងសំខាន់៣រូប
ចន្លោះមិនឃើញ
Jose Mourinho នឹងដឹកនាំក្រុមបិសាចក្រហម Manchester United ទៅកាន់ Anfield នៅថ្ងៃសៅរ៍នេះដោយគ្មានកម្លាំងសំខាន់៣គឺ Paul Pogba, Marouane Fellaini និង Michael Carrick។
ក្រុមដ៏ជោគជ័យបំផុតរបស់អង់គ្លេសទាំងពីរត្រូវប៉ះគ្នាលើកទី៥១នៅ Premier League ថ្ងៃស្អែកនេះខណៈ Liverpool ក៏មានបញ្ហាកីឡាកររបួសដូចគ្នា។ Pogba មានបញ្ហាសរសៃពួរតាំងពីរប្រកួត Champions League ទល់នឹង Basel ខែមុនមកម្ល៉េះ។
Fellaini របស់ Man Utd និង Sadio Mane របស់ Liverpool មានវាសនាដូចគ្នាគឺរងរបួសអំឡុងលេងឲ្យជម្រើសជាតិក្នុងព្រឹត្តិការណ៍ជម្រុះ World Cup។ ដោយឡែក Carrick វិញក៏មិនទាន់មានពន្លឺពីការវិលមកទីលានប្រកួតវិញដែរ។ របួសរបស់រៀមច្បងមានន័យថា Ander Herrera នឹងបានឱកាសលេងជាជម្រើសដំបូង។
Nemanja Matic នឹងកាន់កាប់តំបន់បម្រើជាមួយ Daley Blind និង Herrera ស្របពេល Juan Mata ដែលជាសុបិនអាក្រក់របស់ Liverpool នឹងជួយ Rashford, Rashford និង Lukaku នៅតំបន់ប្រយុទ្ធ៕