ក្រុមណាលើកពានហ៊្វូតសាលជាតិ ចុងសប្ដាហ៍នេះ នឹងតំណាងកម្ពុជាទៅប្រកួតពានហ៊្វូតសាលអាស៊ាន ២០១៨

2017-10-13 05:33:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតដណ្ដើមជើងឯកពានរង្វាន់ហ៊្វូតសាលជាតិ ក្លៀរ ថ្ងៃសៅរ៍ ចុងសប្ដាហ៍នេះ រវាងក្រុមខ្លាំង កំចាយមារ និង ឪម៉ាល់ បើក្រុមណាឈ្នះ នឹងត្រូវតំណាងកម្ពុជាទៅប្រកួតបន្តយកពានហ៊្វូតសាលអាស៊ាន AFF Futsal Club Championship 2018 ជាមួយប្រទេសសមាជិកអាស៊ានទាំងអស់ រួមទាំង អូស្ត្រាលី។ នេះបើតាមការឲ្យដឹងរបស់តំណាងក្រុមហ៊ុនសាប៊ូកក់សក់ក្លៀរ បុរស ដែលជាម្ចាស់ឧបត្ថម្ភលើពានរង្វាន់ហ៊្វូតសាលជាតិ ២០១៧។

ពាន AFF Futsal Club Championship លំដាប់អាស៊ានមួយនេះ ទើបតែបង្កើតកាលពីឆ្នាំ២០១៥ ប៉ុណ្ណោះ ដោយមានក្លឹបមកពីបណ្ដាប្រទេសអាស៊ានចូលរួមប្រកួត ខណៈដែលក្លឹបមកពីកម្ពុជាមិនធ្លាប់ចូលរួមប្រកួតក្នុងពាននេះនោះឡើយ។ ក្រុម Thai Port របស់ថៃ ទើបតែលើកពាន AFF Futsal Club Championship 2017 កាលពីខែកក្កដា នេះកន្លងទៅ។

សម្រាប់ការប្រកួតសងសឹករវាងក្រុម ឪម៉ាល់ និងកំចាយមារ នៅថ្ងៃសៅរ៍ ទី១៤ ក្នុងទីលាន Clear Arena The Blue Sports Centerនេះ ជើងឯកនឹងទទួលបានពានរង្វាន់ មេដាយម្នាក់មួយ រួមជាមួយទឹកប្រាក់ ៥០០០ ដុល្លារ។ ចឹង កុំភ្លេចចូលរួមទស្សនាការប្រកួត និងលើកទឹកចិត្តដល់កីឡាករ នៅចុងសប្ដាហ៍នេះណា៎!

អត្ថបទ៖ វិទូ