លោក គួច ផេង ជាប់ជាប្រធានសមាគមសហគ្រិនវ័យក្មេងកម្ពុជាអាណត្តិថ្មី
- 2017-10-13 10:11:43
- ចំនួនមតិ 0 | ចំនួនចែករំលែក 0
លោក គួច ផេង ជាប់ជាប្រធានសមាគមសហគ្រិនវ័យក្មេងកម្ពុជាអាណត្តិថ្មី
ចន្លោះមិនឃើញ
លោក គួច ផេង ត្រូវបានបោះឆ្នោតជាប់ជាប្រធានសមាគមសហគ្រិនវ័យក្មេងកម្ពុជាសម្រាប់អាណត្តិឆ្នាំ២០១៨ ដល់ឆ្នាំ២០២០ ជំនួសលោកឧកញ៉ា សុខ ពិសិដ្ឋ ដែលត្រូវផុតអាណត្តិ ។ ពិធីប្រកាសផ្ទេរតំណែងនេះ ធ្វើឡើងនៅថ្ងៃទី១៣ ខែតុលា ឆ្នាំ ២០១៧ នេះ នៅសណ្ឋាគារ Le Royal ក្នុងទីក្រុងភ្នំពេញ។
លោកឧកញ៉ា សុខ ពិសិដ្ឋ ថ្លែងក្នុងពិធីផ្ទេរតំណែងនោះថាសមាគមនេះត្រូេះបានបង្កើតឡើងដោយសហគ្រិនវ័យក្មេងមួយក្រុមកាលពីឆ្នាំ២០០៩ មកពីវិស័យផ្សេងៗគ្នា។ ការបង្កើតសមាគមនេះលោកថា ក្នុងគោលបំណងផ្ទេរនូវចំណេះដឹង និងចំណេះធ្វើដើម្បីបានទទួលឱកាសអាជីវកម្មនៅកម្ពុជា អាស៊ាន និងពិភពលោក។
លោក គួច ផេង ជាពាណិជ្ជករកំពុងកាន់កាប់ពហុអាជីវកម្ម ដូចជាក្រុមហ៊ុន Advanced Glory Logistics Group និងក្រុមហ៊ុន Triumph Link Holding Limited ជាដើម។ មុនក្លាយជាប្រធាន YEAC លោកធ្លាប់ជាសមាជិកក្រុមភិបាលជាន់ខ្ពស់របស់សមាគមនេះ ហើយក៏ធ្លាប់ជាប់ជាប្រធានថ្នាក់ជាតិរបស់សភាយុវពាណិជ្ជករអន្តរជាតិកម្ពុជា (JCI Cambodia) អាណត្តិឆ្នាំ ២០១៥ ផងដែរ។ ការទទួលតំណែងនេះ លោកនឹងចូលរួមចំណែកជួយឲ្យវិស័យសហគ្រាសធុនតូច និងមធ្យមនៅកម្ពុជាកាន់តែរីកចម្រើនថែមទៀត តាមរយៈសមាគមសហគ្រិនវ័យក្មេងកម្ពុជា( YEAC) ៕