កីឡាករ ៤រូប Neymar យកធ្វើជានិមិត្តរូបពេលខ្លួននៅក្មេង
- 2017-10-13 12:04:05
- ចំនួនមតិ 0 | ចំនួនចែករំលែក 0
កីឡាករ ៤រូប Neymar យកធ្វើជានិមិត្តរូបពេលខ្លួននៅក្មេង
ចន្លោះមិនឃើញ
ជាធម្មតា កីឡាករនីមួយៗតែងមានកីឡាករដែលជានិមិត្តរូបរបស់ខ្លួន ព្រោះការធ្វើបែបនេះអាចឲ្យពួកគេរៀនសូត្រពីកីឡាករទាំងនោះ ដើម្បីឈានទៅរកភាពជោគជ័យនៅក្នុងអាជីពរបស់ខ្លួន។ មិនខុសពីកីឡាករផ្សេងទៀតនោះទេ Neymar ក៏មានកីឡាករក្នុងដួងចិត្តរបស់ខ្លួនផងដែរ ហើយបើតាមការសម្ភាសន៍រវាង Neymar និងទូរទស្សន៍ Palmeiras កីឡាករទាំងនោះមានដូចតទៅ៖
១. Evair Aparecido Paulino៖ ខ្សែប្រយុទ្ធកណ្ដាលប្រេស៊ីលរូបនេះ បានស៊ុតចូលរហូតដល់ទៅ ១២៥គ្រាប់ឲ្យក្លឹបប្រេស៊ីល Palmeiras (ក្លឹបដែល Neymar គាំទ្រកាលពីនៅក្មេង)។
២.Marcos Roberto Silveira Reis៖ ដូច Evair ដែរ អ្នកចាំទីប្រេស៊ីលរូបនេះ ក៏ជាកីឡាករលេងឲ្យក្លឹប Palmeiras ដែរ។ អ្នកចាំទីរូបនេះបានបង្ហាញទម្រង់លេងយ៉ាងល្អក្នុងអំឡុង World Cup ឆ្នាំ ២០០២ រហូតជួយឲ្យប្រេស៊ីលឈ្នះពាន World Cupលើកទី ៥ របស់ខ្លួននៅពេលនោះ។
៣.Alexsandro de Souza៖ ជាកីឡាករប្រេស៊ីលមួយទៀត ដែលNeymar យកធ្វើជានិមិត្តរូប។ ខ្សែបម្រើប្រយុទ្ធរូបនេះក៏ធ្លាប់បានលេងក្នុងក្លឹប Palmeiras ផងដែរ តែបានបង្ហាញទម្រង់លេងល្អរបស់ខ្លួននៅពេលលេងឲ្យក្លឹបទួរគី Fenerbahce ដោយកីឡាកររូបនេះស៊ុតចូលបាន ១៧១ គ្រាប់ បញ្ជូនបាល់ឲ្យមិត្តរួមក្រុមបាន ១៣៦គ្រាប់ ក្នុងការបង្ហាញខ្លួន ៣៤១ប្រកួតឲ្យក្លឹប។
៤.Rivaldo៖ ខ្សែបម្រើប្រយុទ្ធប្រេស៊ីលរូបនេះ ជាកីឡាករឆ្នើមមែនទែន កាលពីខ្លួនលេងឲ្យក្លឹបអ្នកមានបុណ្យ Barcelona ពីឆ្នាំ ១៩៩៧ ដល់ឆ្នាំ ២០០២។ ក្នុងអំឡុងពេលនោះដែរ Rivaldo បានឈ្នះពាន Ballon D'or នៅឆ្នាំ ១៩៩៩៕