Tesla ប្រមូលរថយន្ត Model X ជាង១ម៉ឺនគ្រឿងមកវិញក្រោយរកឃើញបញ្ហាកៅអីអង្គុយ
- 2017-10-13 12:50:05
- ចំនួនមតិ 0 | ចំនួនចែករំលែក 0
Tesla ប្រមូលរថយន្ត Model X ជាង១ម៉ឺនគ្រឿងមកវិញក្រោយរកឃើញបញ្ហាកៅអីអង្គុយ
ចន្លោះមិនឃើញ
ក្រុមហ៊ុន Tesla កំពុងប្រមូលរថយន្តអគ្គិសនី Model X ប្រភេទ SUV ចំនួន ១១ ០០០ គ្រឿងរបស់ខ្លួននៅទូទាំងពិភពលោកចូលរោងចក្រវិញដោយសារកំហុសបច្ចេកទេសចាក់សោប្រព័ន្ធក្នុងកៅអីអង្គុយក្រោយដែលអាចបង្កើនហានិភ័យនៃកៅអីធ្លាក់ទៅមុខក្នុងហេតុការណ៍គ្រោះថ្នាក់។
ក្រុមហ៊ុនTesla ឱ្យដឹងកាលពីថ្ងៃព្រហស្បតិ៍ថា ខ្សែភ្លើងមួយចំនួនក្នុងកៅអីអង្គុយបត់ជួរទី២នៃរថយន្ត Model X ដែលផលិតនៅចន្លោះថ្ងៃទី ២៨ តុលា ២០១៦ និងថ្ងៃទី ១៦ សីហា ២០១៧ ត្រូវតែផ្លាស់ប្តូរដើម្បីបញ្ចប់បញ្ហា។ ក្រុមហ៊ុនដែលដឹកនាំដោយមហាសេដ្ឋីបច្ចេកវិទ្យា Elon Musk ឱ្យដឹងថា ៣%នៃរថយន្តដែលបានហៅមកវិញអាចមានបញ្ហាដែលត្រូវបានរកឃើញអំឡុងពេលតេស្តប្រព័ន្ធគ្រឿងរថយន្ត ។ ក្រុមហ៊ុន Tesla មិនបានទទួលរបាយការណ៍នៃបញ្ហាណាមួយឬហេតុការណ័គ្រោះថ្នាក់ពាក់ព័ន្ធនឹងកៅអីនេះទេ។ ក្រុមហ៊ុន Tesla មានមូលដ្ឋាននៅ ក្រុង Palo Alto រដ្ឋកាលីហ្វ័រញ៉ាបានប្រមូលរថយន្ត Model X ចំនួន ២ ៧០០ គ្រឿងក្នុងសហរដ្ឋអាមេរិកនៅខែមេសាឆ្នាំ ២០១៦ ដោយសារកំហុសបច្ចេកទេសចាក់សោប្រព័ន្ធក្នុងកៅអីជួរទី៣ក្នុងរថយន្ត។
ក្រុមហ៊ុនបានប្រមូលរថយន្តអគ្គិសនី Model S ប្រភេទ sedan ចំនួន ៩០ ០០០ គ្រឿងទូទាំងពិភពលោកក្នុងឆ្នាំ ២០១៥ លើកំហុសអាចកើតមានក្នុងការដំឡើងខ្សែក្រវាត់សុវត្ថិភាពរថយន្ត និងបានប្រមូលម៉ូដែលដដែលនេះចំនួន ២៩ ២២២ គ្រឿងក្នុងឆ្នាំ ២០១៤ កំហុសបច្ចេកទេសឆ្នាំងសាកដែលអាចបង្កផ្កាភ្លើង៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
