តុលា ជាខែដែល Ronaldo មានហុងស៊ុយជាងគេ យីអ៊ុនឡើងស្រើតៗ
- 2017-10-14 02:11:34
- ចំនួនមតិ 0 | ចំនួនចែករំលែក 0
តុលា ជាខែដែល Ronaldo មានហុងស៊ុយជាងគេ យីអ៊ុនឡើងស្រើតៗ
ចន្លោះមិនឃើញ
Cristiano Ronaldo ធ្វើមិនបានល្អនោះទេ នៅពេលចាប់ផ្ដើមរដូវកាលថ្មី La Liga នេះ ដោយខកខានរកគ្រាប់បាល់៣ប្រកួតដំបូងនិងជាកំណត់ត្រាអាក្រក់មួយសម្រាប់រូបគេជាមួយ Real Madrid ។
ទោះជាយ៉ាងនេះក្ដី បច្ចុប្បន្ននេះចូលដល់ខែតុលាហើយ ដែលនេះជាខែ Ronaldo តែងតែបង្ហាញសមត្ថភាពបានល្អជាងគេ។ ៦រដូវកាលមកនេះ ឱ្យតែដល់ខែតុលា ខ្សែប្រយុទ្ធវ័យ៣២ឆ្នាំតែងតែរកគ្រាប់បាល់បានច្រើនៗ ជាពិសេសបង្កើតកំណត់ត្រា Hat-trick ក្នុងខែនេះក៏ច្រើនដែរ ។ កាលពីរដូវកាល២០១០-១១ រូបគេសប្បាយនឹងរកគ្រាប់បាល់មែនទែន ដោយរកបានដល់ទៅ១០គ្រាប់ក្នុងការបង្ហាញខ្លួនត្រឹម៤ប្រកួតប៉ុណ្ណោះ។
ដូច្នេះហើយចាំមើលរដូវកាលនេះវិញ ថាតើ Ronaldo អាចធ្វើបានល្អទៀតអត់ ខណៈដែលខែតុលានេះ ក្រុម Real Madrid នឹងត្រូវលេងទល់ Getafe, Tottenham, Eibar និង Girona។ ដោយឡែកការប៉ះក្រុម Fuenlabrada ក្នុងពានរង្វាន់ Copa del Rey ក៏ត្រូវលេងខែនេះដែរ ប៉ុន្តែប្រហែលជាកីឡាករជើងស៊ុតខាងលើមិនចូលលេងទេ ព្រោះរូបគេភាគច្រើនពានរង្វាន់ Cup បើប៉ះក្រុមខ្សោយមិនតម្រូវឱ្យលេងឡើយ៕