អ្នកចាត់ការ Barcelona មិនទុក Messi ឱ្យសម្រាកសិនទេ

2017-10-14 03:04:47
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Ernesto Valverde អ្នកចាត់ការក្រុម FC Barcelona មិនទុកឱ្យកីឡាករ Lionel Messi សម្រាកសិននោះទេ បើទោះជារូបគេទើបតែត្រលប់មកពីលេងឱ្យជម្រើសជាតិអាហ្សង់ទីនក៏ដោយ។

Messi រកបាន៣គ្រាប់ក្នុងប្រកួតជម្រុះ World Cup ចុងក្រោយ ធ្វើឱ្យក្រុមអាហ្សង់ទីនមានឱកាសបានឡើងទៅលេងវគ្គផ្ដាច់ព្រ័ត្រនៅប្រទេសរុស្ស៊ី។ បើទោះជាគេខិតខំប្រឹងលេងខ្លាំងយ៉ាងនេះក្ដី កីឡាករស៊ុតបច្ចេកទេសម្នាក់នេះនឹងត្រូវចូលលេងបន្ដទៀតឱ្យក្រុមអាជីព Barcelona ក្នុងន័យយក៣ពិន្ទុពីក្រុម Atletico Madrid នៅយប់នេះ។

លោក Valverde បាននិយាយដូច្នេះថា៖ “Messi អាចលេងបាននៅយប់នេះ រូបគេមិនមានបញ្ហាអ្វីនោះទេ។ ខ្ញុំសប្បាយចិត្តនៅពេលដែលដឹងថាកីឡាកររបស់យើងមិនមានរបួសពេលត្រលប់មកពីជួយជម្រើសជាតិវិញ។ Messi តែងតែអាចចូលលេងបានជានិច្ចក្នុងការប្រកួតសំខាន់ សម្រាប់យើង។ យើងនៅមានរដូវកាលវែងឆ្ងាយទៀត ដូច្នេះវាពិតជាល្អ ប្រសិនបើគេអាចចូលលេងបាន”។

ក្រុម Barcelona នឹងត្រូវលេងតទល់ជាមួយក្រុម Atletico Madrid នៅម៉ោង១:៤៥នាទីរំលងអាធ្រាត្រនេះ នៅកីឡដ្ឋានថ្មីរបស់ AT Madrid តែម្ដង៕

ប្រភព៖ BBC ប្រែសម្រួល៖ មុន្នីរម្យ