អាហារូបករណ៍តម្លៃ ១៥០០០ដុល្លារសម្រាប់សិស្សបាក់ឌុប នៅទទួលពាក្យមួយសប្ដាហ៍ទៀត
- 2017-10-14 07:29:00
- ចំនួនមតិ 0 | ចំនួនចែករំលែក 0
អាហារូបករណ៍តម្លៃ ១៥០០០ដុល្លារសម្រាប់សិស្សបាក់ឌុប នៅទទួលពាក្យមួយសប្ដាហ៍ទៀត
ចន្លោះមិនឃើញ
ក្រុមហ៊ុន ស្មាតអាស្យាតា ខូ អិលធីឌី (“ស្មាត”) បានប្រកាសពន្យារពេលនៃការឈប់ទទួលពាក្យអាហារូបករណ៍ SmartEdu រហូតដល់ថ្ងៃទី ២០ ខែតុលា ឆ្នាំ២០១៧។ អាហារូបករណ៍ពិសេសសម្រាប់សិស្សបាក់ឌុបឆ្នាំ២០១៧ នេះ មានតម្លៃសរុបរហូតដល់ ១៥០០០ដុល្លារ។
SmartEdu Scholarship គឺជាកម្មវិធីអាហារូបករណ៍ដែលចូលរួមសហការរវាងក្រុមហ៊ុនស្មាត និង ក្រសួងអប់រំ យុវជន និងកីឡា និងវិទ្យាស្ថានជាតិប្រៃសណីយ៍ទូរគមនាគមន៍ បច្ចេកវិទ្យាគមនាគមន៍ និងព័ត៌មាន ដើម្បីផ្តល់ឱកាសដល់សិស្សានុសិស្សដែលជួបការលំបាកផ្នែកហិរញ្ញវត្ថុដើម្បីអាចបន្តការសិក្សានៅថ្នាក់មហាវិទ្យាល័យ។
ស្មាត នឹងផ្ដល់ជូនអាហារូបករណ៍ដល់សិស្សពូកែចំនួន ២០កន្លែងសម្រាប់ឆ្នាំ ២០១៧នេះ ដោយមួយកន្លែងមានតម្លៃរហូតដល់ ១៥០០០ដុល្លារសហរដ្ឋអាមេរិក។ អាហារូបករណ៍ទាំងមូលនឹងផ្តល់ជូននូវការបង់ថ្លៃសិក្សាប្រចាំឆ្នាំ ព្រមទាំងប្រាក់ឩបត្ថមប្រចាំខែចំនួន ២០០ដុល្លារសហរដ្ឋអាមេរិក ជារៀងរាល់ខែសម្រាប់ចំណាយលើការរស់នៅរហូតដល់បញ្ចប់ការការសិក្សានៅតាមគ្រឹះស្ថានឧត្តមសិក្សារដ្ឋដែលបេក្ខជនបានជ្រើសរើស។
លក្ខខណ្ឌដាក់ពាក្យ៖
ជាសិស្សទទួលបាននិទ្ទេស A ឬ B ដែលបានប្រឡងបាក់ឌុបនៅឆ្នាំ២០១៧
មានជីវភាពខ្វះខាត
ជ្រើសរើសការសិក្សានៅគ្រឹះស្ថានឧត្តមសិក្សារដ្ឋខាងក្រោម
១. សាកលវិទ្យាល័យភូមិន្ទភ្នំពេញ
២. សាកលវិទ្យាល័យបាត់ដំបង
៣. វិទ្យាស្ថានបច្ចេកវិទ្យាកម្ពុជាម្ពុជា ៤. សាកលវិទ្យាល័យមានជ័យ
៥. សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច
៦. សាកលវិទ្យាល័យហេងសំរិន ត្បូងឃ្មុំ
៧. សាកលវិទ្យាល័យជាតិគ្រប់គ្រង
៨. វិទ្យាស្ថានបច្ចេកវិទ្យាកំពង់ឈើទាល
៩. សាកលវិទ្យាល័យស្វាយរៀង
១០. សាកលវិទ្យាល័យជាស៊ីមកំចាយមារ
១១. វិទ្យាស្ថានជាតិប្រៃសណីយ៍ទូរគមនាគមន៍ បច្ចេកវិទ្យាគមនាគមន៍ និងព័ត៌មាន
របៀបដាក់ពាក្យ៖
Online៖ អាចបំពេញពាក្យតាមរយៈគេហទំព័រ: https://www.smart.com.kh/application-form
ពាក្យស្នើសុំត្រូវសរសេរដោយដៃ៖ ទៅយកពាក្យសុំនៅតាមទីតាំងដូចខាងក្រោម៖
@ Smart shop ដែលនៅជិតបំផុត
@ មន្ទីរអប់រំ យុវជន និងកីឡាទូទាំងប្រទេស
@ នាយកដ្ឋានឧត្តមសិក្សានៅរាជធានីភ្នំពេញ
@ វិទ្យាស្ថានប្រៃសណីយ៍ ទូរគមនាគមន៍ បច្ចេកវិទ្យាទូរគមនាគមន៍ និងព័ត៌មាន (NIPTICT)
ពាក្យស្នើសុំសរសេរដោយដៃទាំងអស់ត្រូវយកទៅដាក់នៅនាយកដ្ឋានឧត្តមសិក្សានៅ រាជធានីភ្នំពេញ(ទល់មុខសាកលវិទ្យាល័យបញ្ញាសាស្ត្រវិមានឯករាជ្យ) ឫ នៅទីស្នាក់ការកណ្តាលរបស់ក្រុមហ៊ុន ស្មាត ទីតាំងនៅជិត សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE)។ បញ្ជាក់៖
*អាហារូបករណ៍ ១០កន្លែងនឹងត្រូវផ្ដល់ជូនដល់សិស្សដែលជ្រើសរើសការសិក្សានៅវិទ្យាស្ថានប្រៃសណីយ៍ ទូរគមនាគមន៍ បច្ចេកវិទ្យា ទូរគមនាគមន៍ និងព័ត៌មាន (NIPTICT)។
*អាហារូបករណ៍ 10 កន្លែងទៀតនឹងត្រូវផ្តល់ជូនដល់សិស្សដែលជ្រើសរើសការសិក្សានៅតាមគ្រឹះស្ថានឧត្តមសិក្សារដ្ឋផ្សេងៗទៀតដូចមានបញ្ជាក់ជូនខាងលើលើ (ឧ. សាកលវិទ្យាល័យ ITC, RUPP, NUM…..-ល-) @ចំពោះបេក្ខជនដែលជ្រើសរើសការសិក្សានៅវិទ្យាស្ថាន NIPTICT ត្រូវយកពាក្យស្នើទៅដាក់នៅ វិទ្យាស្ថានជាតិ NIPTICT ដោយផ្ទាល់។
សម្រាប់ព័ត៌មានបន្ថែម សូមទាក់ទងមកកាន់លេខ៖ 010 234 075
ឬចូលទៅកាន់គេហទំព័រ៖ www.smart.com.kh/scholarship
ផុតកំណត់ទទួលពាក្យ៖ ថ្ងៃទី២០ ខែតុលា ឆ្នាំ2017