ក្រុមហ៊ុន Yamaha ចេញម៉ូតម៉ូតូចម្លែកនៅពិព័រណ៍យានយន្តក្នុងក្រុងតូក្យូ

2017-10-14 08:02:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ពិព័រណ៍យានយន្តនៃក្រុងតូក្យូគឺជាកន្លែងដ៏ពេញនិយមមួយសម្រាប់គំនិតថ្មីៗពីអ្នកផលិតរថយន្តនិងម៉ូតូរបស់ជប៉ុន។ ខណៈដែលភាគច្រើននៃយានយន្តគំរូទាំងនោះមានភាពរឹងមាំល្អ យានយន្តគំរូខ្លះចម្លែកខ្លាំងពេករហូតធ្វើឱ្យអ្នកឆ្ងល់ថាតើម៉ូតបែបនោះអាចឆ្លងផុតពីក្រុមប្រឹក្សាភិបាលក្រុមហ៊ុនដោយរបៀបណា។ ដោយមិនចង់ធ្វើឱ្យគេខកចិត្ត ក្រុមហ៊ុន Yamaha គ្រោងនឹងបង្ហាញយានជំនិះដ៏ចម្លែកមួយចំនួននៅក្នុងកម្មវិធីនេះ ហើយអ្នកត្រូវតែទៅមើលឱ្យឃើញទើបជឿ។

យោងតាមវេបសាយ motorcyclemagazine.com យានយន្តដែលចម្លែកបំផុតប្រហែលជាម៉ូតូឈ្មោះ MOTOROID ។ ក្រុមហ៊ុន Yamaha បានហៅវាថា MOTOROiD ដែលជាម៉ូតូធ្វើពិសោធន៏មួយ ដែល “ប្រើប្រាស់បច្ចេកវិជ្ជាខួលក្បាលសិប្បនិម្មិត (AI) និងស្វែងយល់ពីលទ្ធភាពនៃគំនិតសម្រាប់បង្កើតទម្រង់ថ្មីៗនៃការបំឡាស់ទីផ្ទាល់ខ្លួន ដែលក្នុងនោះអ្នកបើកបរមានភាពស៊ីសង្វាក់គ្នាជាមួយម៉ាស៊ីន” ។

ក្រុមហ៊ុននិយាយថា ម៉ូតូ MOTOROiD “មានសមត្ថភាពសម្គាល់ម្ចាស់របស់វា និងធ្វើការប្រាស្រ័យទាក់ទងគ្នាតាមសមត្ថភាពផ្សេងៗ ដូចជាសត្វមានជីវិតយ៉ាងអ៊ីចឹង។ ឥរិយាបថរបស់ម៉ូតូ នៅមិនទាន់បង្ហាញនៅឡើយទេ។ (ដូច្នេះ…ប្រសិនបើគេដាក់ខួរក្បាលឆ្កែឱ្យវា ឬ អ្វីមួយ? អឺ…)។

ដំណើរការដោយម៉ាស៊ីនអគ្គិសនីនៅខាងក្រោយ ម៉ូតូ MOTOROiD ផ្ទុកអាគុយស៊ីឡាំងចំនួន ៦ នៅខាងក្រោមគ្រោងម៉ូតូ ដុំបូមភ្ជាប់ទៅក្រោមកែបម៉ូតូ ហើយក្បាលរាងដូចចង្រិតបំពាក់លើដៃចង្កូត។ ហើយកន្ទុយបះឡើងលើរបស់វាមើលទៅទំនងដូចជាផ្អឹបជាប់នឹងចង្កេះរបស់អ្នកបើកបរតែម្តង៕

ប្រភព ៖ rasmeinews.com