ឆាយ៉ មិនមែន​ជា​មុខ​ម្ហូប​វៀតណាម តាម​ពិត​មាន​ប្រវត្តិ​គួរ​ឲ្យ​ចាប់​អារម្មណ៍​បំផុត

  • 2017-10-15 02:53:41
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ឆាយ៉​​ពាក្យ​កម្ចី​វៀតណាមឬ spring roll ជា​ភាសា​អង់គ្លេស ជា​នំ​ធ្វើ​ពី​ម្សៅ​ ស្នូល​សាច់​ចិញ្ច្រាំ ​និង​បន្លែ​ មាន​ដើម​កំណើត​នៅ​ក្នុង​ប្រទេស​ចិន ដែល​បច្ចុប្បន្ន​បាន​ហៀរហូរ​ទៅ​កាន់​គ្រប់​ច្រកល្ហក​​នៅ​លើ​ពិភពលោក ដូចជា​បារាំង​ ហូឡង់ ជប៉ុន និង អាស៊ី​អាគ្នេយ៍​ដូច​យ៉ាង ឥណ្ឌូណេស៊ី និង វៀតណាម ​ជាដើម។

មាន​រឿង​រ៉ាវ​ដ៏​គួរ​ឲ្យ​ចាប់​អារម្មណ៍​ ៣ ទាក់​ទង​នឹង​នំ​ឆាយ៉ ឬ spring roll៖

ទី១៖ ប្រវត្តិ​ដ៏​យូរ​លង់

នំ​នេះ​មាន​ដើម​កំណើត​ជិត​២​ពាន់​ឆ្នាំ គឺ​តាំង​ពី​រាជវង្ស​ជីន​របស់​​ប្រទេស​ចិន ក្នុង​ចន្លោះ​ ឆ្នាំ​ ២៦៥-៤២០ នៃ​គ.ស ហើយ​ជនជាតិ​ចិន​ស្ថិត​នៅ​ខេត្ត​​ហ្វូជៀន ភាគ​ខាង​ត្បូង​ប្រទេស​ចិន​ (​ជា​ខេត្ត​ដែល​បច្ចុប្បន្ន​នៅ​ជិត​បំផុត​នឹង​កោះ​តៃវ៉ាន់) ជា​​អ្នក​ដែល​បាន​នាំ​យក​របៀប​ធ្វើ​នំ​នេះ​មក​ដល់​អាស៊ី​អាគ្នេយ៍​មុន​គេ​។

ទី២៖ ឈ្មោះ​នំ​នេះ​ត្រូវ​បាន​ប្រទេស​នានា ហៅ​តាម​ឈ្មោះ​រដូវ (រដូវ​ផ្ការីក)

ប្រទេស​នានា​យក​តាម​ឈ្មោះ "និទាឃៈរដូវ" បូក​នឹង​រូប​រាង​នំ​ដែល​មាន​ "រាង​មូល​ទ្រវែង" អីចឹង​ហើយ​ទើប​មាន​ឈ្មោះ​ជា​ភាសា​អង់គ្លេស​ថា spring roll។

អ្នក​លក់ឆាយ៉​នៅ​ហុល្លង់

​វៀតណាម​ ហៅ​ឈ្មោះ​នំ​នេះ​ថា ឆាយ៉ (chả giò) មាន​ន័យ​​ជា​ភាសា​អង់គ្លេស spring roll ។ បារាំង​ ហៅ​ឈ្មោះ​នំ​នេះ​ថា rouleau de printemps មាន​ន័យ​​ជា​ភាសា​អង់គ្លេស spring roll ។ ឥណ្ឌូណេស៊ី ហៅ​ឈ្មោះ​នំ​នេះ​ថា lumpia មាន​ន័យ​​ជា​ភាសា​អង់គ្លេស spring roll ។ ​ ទី៣៖ ពី​ក្រោយ​មូលហេតុ​ដែល​ ឆាយ៉​ យក​ឈ្មោះ​តាម​រដូវ​

បើ​តាម​កំណត់ត្រា​ចិន​បុរាណ ដែល​កាសែត​ The South China Morning Post បាន​ចុះ​ផ្សាយ​ ជឿ​ថា និទាឃៈរដូវ ( រដូវ​ផ្ការីក) គឺ​ជា​ពេល​វេលា​ស័ក្ដិសម​បំផុត​ដើម្បី​ទទួល​ទាន ​មើម​ខ្ទឹម​ ខ្ទឹម​ក្រហម ស្លឹក​ខ្ទឹម ជី​វ៉ាន់ស៊ុយ ដើម្បី​​ជួយ​បន្ថែម​​នូវ​ថាមពល​ដល់​រាងកាយ​ ហើយ​ដើម្បី​ឲ្យ​​រសជាតិ​កាន់តែ​ឆ្ងាញ់ គេ​ខ្ចប់​បន្ទះ​ម្សៅ​ស្តើងៗ រួម​នឹង​សាច់ ហើយ​និង​បន្លែ​ចិញ្ច្រាំ​ចូល​គ្នា៕

ប្រភព៖ Scmp   ប្រែសសម្រួល៖ សុខ លាងហ៊ត