មេដឹកនាំគណបក្សប្រឆាំងជាកំលោះសង្ហា ប្រកាសជ័យជម្នះការបោះឆ្នោតនៅអូទ្រីស
- 2017-10-16 02:29:09
- ចំនួនមតិ 0 | ចំនួនចែករំលែក 0
មេដឹកនាំគណបក្សប្រឆាំងជាកំលោះសង្ហា ប្រកាសជ័យជម្នះការបោះឆ្នោតនៅអូទ្រីស
ចន្លោះមិនឃើញ
មេដឹកនាំគណបក្សប្រជាជនស្ដាំនិយមរបស់អូស្ត្រាលី បានប្រកាសជ័យជម្នះការបោះឆ្នោតថ្នាក់ជាតិនៅប៉ុន្មានម៉ោងមុននេះ ត្រូវនឹងរាត្រីថ្ងៃអាទិត្យនៅអូស្ត្រាលី ដោយលោកនឹងក្លាយជាមេដឹកនាំរដ្ឋាភិបាលវ័យក្មេងជាងគេបំផុតក្នុងលោក។
លោក Sebastian Kurz អាយុ ៣១ឆ្នាំ បានឈ្នះសំឡេងបោះឆ្នោត ៣១%, គណបក្សកាន់អំណាចសង្គមប្រជាធិបតេយ្យទទួលបានសំឡេងឆ្នោត ២៦,៦% និងគណបក្សសេរីភាពទទួលបាន ២៦,៥%។
ប៉ុន្តែលទ្ធផលចុងក្រោយមិនទាន់ចេញជាផ្លូវការទេ រហូតដល់ពាក់កណ្ដាលសប្ដាហ៍នេះ។ គណបក្សរបស់លោក Kurz បានកើនសំឡេងចំនួន ៧% ធៀបនឹងការបោះឆ្នោតឆ្នាំ ២០១៣។
តើលោក Sebastian Kurz ជាអ្នកណា?
មុនពេលបោះឆ្នោត លោក Kurz ធ្លាប់ធ្វើជារដ្ឋមន្ត្រីការបរទេសអឺរ៉ុបវ័យក្មេងបំផុតប្រចាំទ្វីបអឺរ៉ុប បន្ទាប់ពីតែងតាំងក្នុងឆ្នាំ ២០១៣ នៅអាយុ ២៧ឆ្នាំ។ នៅខែឧសភា ឆ្នាំ ២០១៧ លោកបានក្លាយជាមេដឹកនាំគណបក្សប្រឆាំងឈ្មោះគណបក្សប្រជាជន មានទំនោរខាងអភិរក្ស។ មកទល់ពេលនេះ លោកមិនទាន់រៀបការនៅឡើយទេ គ្រាន់តែមានមិត្តស្រីប៉ុណ្ណោះ គឺអ្នកនាង Susanne Thier។
តើគោលនយោបាយអ្វីជាសំខាន់ដើម្បីអាចរកសំឡេងឆ្នោតបាន?
អន្តោប្រវេសន៍ គឺជាបញ្ហាចម្បងក្នុងការទាញយកសំឡេងឆ្នោត។ លោក Kurz បានផ្លាស់ប្ដូរគណបក្សជាគណបក្សស្ដាំនិយមដោយសារតែវិបត្តិជនភៀសខ្លួនឆ្នាំ ២០១៥នៅអឺរ៉ុប។
លោកបានសន្យាទៅកាន់អ្នកអភិរក្សនិយម និងអ្នកស្ដាំនិយមដោយបិទផ្លូវជនអន្តោប្រវេសន៍មកកាន់អឺរ៉ុប កំណត់ការចំណាយលើជនភៀសខ្លួន ហាមឃាត់ជនអន្តោប្រវេសន៍ពីការទទួលផលប្រយោជន៍ផ្សេងៗ រហូតពួកគេរស់នៅអូស្ត្រាលីបានយ៉ាងតិច ៥ឆ្នាំសិនជាដើម៕