ដូណាល់ ត្រាំ នឹងមកទស្សនកិច្ច ៥ ប្រទេសនៅអាស៊ីជាង ២សប្ដាហ៍ទៀត

2017-10-17 02:02:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានាធិបតីអាមេរិកដូណាល់ ត្រាំ នឹងមកទស្សនកិច្ចនៅអាស៊ីចំនួន ៥ ប្រទេសមាន ជប៉ុន កូរ៉េខាងត្បូង ចិន វៀតណាម ហ្វីលីពីន និងកោះហាវ៉ៃ ចាប់ពីថ្ងៃទី ៣ ដល់ទី ១៤វិច្ឆិកា។ នេះបើតាមការបញ្ជាក់របស់សេតវិមាននៅថ្ងៃច័ន្ទទី ១៦តុលា ឆ្នាំ ២០១៧ ចំពេលកើនឡើងភាពតានតឹងកម្មវិធីនុយក្លេអ៊ែរ និងមីស៊ីលកូរ៉េខាងជើង។

ត្រាំ នឹងអំពាវនាវសហគមន៍អន្តរជាតិដើម្បីចូលរួមដាក់សម្ពាធអតិបរមាលើកូរ៉េខាងជើង ហើយទៅជួបគ្រួសារជប៉ុនដែលត្រូវកូរ៉េខាងជើងចាប់ជំរិត។ អំឡុងពេលដំណើរទស្សនកិច្ចនេះ ត្រាំនឹងសង្កត់ធ្ងន់ការប្ដេជ្ញាចិត្តរបស់លោកទៅកាន់សម្ព័ន្ធមិត្ត និងប្រទេសជាដៃគូផ្សេងទៀតក្នុងកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក និងសមាគមអាស៊ីអាគ្នេយ៍។

ត្រាំនឹងជួបផ្ទាល់ជាមួយប្រធានាធិបតីចិន ស៊ី ជិនពីង, ប្រធានាធិបតីហ្វីលីពីន ឌូតឺតេ, ប្រធានាធិបតីវៀតណាម Tran Dai Quang និងនាយករដ្ឋមន្ត្រីជប៉ុន ស៊ីនហ្សូ អាបេ៕

ចុចអាន៖

ប្រភព៖ Channelnewsasia ប្រែសម្រួល៖ ឡេង ភារុណ