ខៀវ សានសាណា ធ្វើអារម្មណ៍មិនទាន់បាន
- 2017-10-17 05:37:41
- ចំនួនមតិ 0 | ចំនួនចែករំលែក 0
ខៀវ សានសាណា ធ្វើអារម្មណ៍មិនទាន់បាន
ចន្លោះមិនឃើញ
ពិធីការិនី ខៀវ សានសាណា និយាយថា រយៈពេលជាងមួយខែហើយ ដែលបងប្រុសរបស់ខ្លួនស្លាប់។ យ៉ាងណាជាង ១ខែមកនេះ អ្នកនាងនៅតែមិនទាន់ធ្វើអារម្មណ៍បានល្អនៅឡើយ ចំពោះការវវិលទៅកាន់អាជីពជាពិធីការិនីវិញ ព្រោះនៅនឹករលឹកបងប្រុសពីមួយថ្ងៃទៅមួយថ្ងៃ។
ពិធីការិនីរូបនេះ ឲ្យដឹងថា ជួនកាលយល់សប្តិឃើញបងប្រុសមកលេង និងពន្យល់ឱ្យនាង ជួយមើលការខុសត្រូវគ្រួសារ និងកូនរបស់លោកទៀតផង។ ហេតុផលនេះហើយ ទើបធ្វើឱ្យអ្នកនាងនៅតែមិនទាន់ធ្វើចិត្តបានសម្រាប់ការវិលមកកាន់អាជីពជាពិធីការិនី បើទោះបីជាមានក្រុមហ៊ុនជាច្រើន ផ្ដល់ការងារដល់នាងក្ដី។
ពិធីការិនីឆ្នើម ខៀវ សានសាណា ចាត់ទុកការបាត់បង់បងប្រុស ជាការបាត់បង់សមាជិកដ៏សំខាន់បំផុតមួយរូបនៅក្នុងគ្រួសារ ព្រោះបងប្រុសជាមនុស្សល្អ និងមិនដែលធ្វើអ្វីខុសលើអ្នកដទៃ។ អ្នកនាងរំពឹងថា អារម្មណ៍នឹកបងប្រុស អាចនឹងបានស្រលះនាពេលដ៏ខ្លីខាងមុខ ដើម្បីអាចឱ្យខ្លួន វិលមកកាន់ការងារជាពិធីការិនីក្នុងពេលឆាប់ៗវិញ។
បងប្រុសអ្នកនាង ខៀវ សានសាណា គឺលោក ខៀវ កូណែល បានបាញ់សម្លាប់ ភរិយា បន្ទាប់មកក៏បាញ់សម្លាប់ខ្លួនឯង កាលពីខែ សីហា ឆ្នាំ២០១៧ កន្លងទៅ នៅសង្កាត់បឹងទំពន់ ខណ្ឌមានជ័យ រាជធានីភ្នំពេញ។ ការស្លាប់របស់លោក ខៀវ កូណែល ធ្វើឱ្យបន្ទុកគ្រួសារ រួមទាំងការមើលថែក្មួយៗ ត្រូវធ្លាក់លើអ្នកនាង ខៀវ សានសាណា ជាអ្នកមើលការខុសត្រូវទាំងស្រុង នាពេលបច្ចុប្បន្ន៕