មហាសេដ្ឋីអង់គ្លេសប្រកាសលក់ក្លឹប Newcastle
- 2017-10-17 07:30:04
- ចំនួនមតិ 0 | ចំនួនចែករំលែក 0
មហាសេដ្ឋីអង់គ្លេសប្រកាសលក់ក្លឹប Newcastle
ចន្លោះមិនឃើញ
Mike Ashley បានប្រកាសលក់ក្លឹប Newcastle United ជាផ្លូវការ ហើយបើតាមមេធាវីប្រាប់ឲ្យដឹងគឺលោកចង់លក់មុនថ្ងៃបុណ្យណូអែលខាងមុខនេះ។
មហាសេដ្ឋីមានប្រាក់ពាន់លានដុល្លារបានកាន់កាប់ហ៊ុន១០០%របស់ Newcastle កាលពីឆ្នាំ២០០៧ក្រោយចំណាយលុយ១៣៤លានផោនទិញពីអតីតម្ចាស់ក្លឹបនាពេលនោះ។ យ៉ាងណាក៏ដោយបន្ទាប់ពីកាន់កាប់បាន១០ឆ្នាំលោកបានបង្ហាញបំណងលក់ដើម្បីប្រមូលមូលធនត្រឡប់មកវិញ។
មិនទាន់មានព័ត៌មានទម្លាយថានរណាអាចជាម្ចាស់បន្ទាប់របស់ក្លឹបជើងឯកអង់គ្លេស៤សម័យកាលនៅឡើយទេ។ លោក Ashley គឺជាមហាសេដ្ឋីជនជាតិអង់គ្លេសមានទ្រព្យសម្បត្តិជិត២ពាន់លានផោនដោយឈរនៅចំណាត់ថ្នាក់លេខ១៥នៅក្នុងប្រទេស។
បុរសវ័យ៥៣ឆ្នាំគឺជាអ្នកជំនួញផ្នែកខាងកីឡាកំពុងកាន់កាប់ក្រុមហ៊ុន Sports Direct International plc, ជាម្ចាស់ក្លឹប Newcastle និងកាន់កាប់ហ៊ុន៩%នៅក្លឹប Rangers ប្រទេសស្កុតឡែន៕