Luhan នឹងរៀបការជាមួយមិត្តស្រីវ័យក្មេងរបស់ខ្លួនឆាប់ៗនេះ?

2017-10-17 08:23:46
ចំនួនមតិ 0 | ចំនួនចែករំលែក 0

ចន្លោះមិនឃើញ

Luhan អតីតសមាជិកក្រុមEXO ត្រូវបានប្រទះឃើញថាបានដើរមើលចិញ្ចៀន ដែលធ្វើអោយអ្នកគាំទ្រជាច្រើនមានការភ្ញាក់ផ្អើលជាខ្លាំង។

យោងតាមគណនី Twitter របស់បុគ្គលិកហាង De Grace បានថតរូបរបស់លោកដោយសម្ងាត់ហើយបានបង្ហោះក្នុងគណនីរបស់ខ្លួន ដែលធ្វើអោយមានការចែកចាយតៗគ្នាឥតឈប់ឈរ និងធ្វើអោយអ្នកគាំទ្រលោកខ្លះសប្បាយចិត្ត ខណៈអ្នកខ្លះទៀតក៏មានការច្រណែនមិនតិចដែរ។

ជាក់ស្ដែង ពួកគេទាំងនោះគិតទុកថា នេះគឺជាកាដូថ្ងៃខួបកំណើតរបស់មិត្តស្រីរបស់លោក ប៉ុន្តែខួបកំណើតរបស់តារាស្រីរូបនេះបានហួសបាត់ទៅហើយ ព្រោះនាងកើតនៅថ្ងៃទី១៧ ខែកញ្ញា។ យ៉ាងណាមិញបើនិយាយពីខួបចំណងស្នេហ៍ (Anniversary) របស់ពួកគេដូចជាមិនទាន់ដល់នៅឡើយទេ ឫក៏លោកLuhan ត្រៀមទុកមុន?

គួររម្លឹកដែរថា អតីតសមាជិកក្រុម EXO រូបនេះបានប្រកាសទំនាក់ទំនងជាមួយមិត្តស្រីរបស់ខ្លួនកាលពីថ្ងៃទី០៨ ខែតុលាកន្លងទៅថ្មីៗនេះ ហើយបានធ្វើឲ្យអ្នកស្រឡាញ់គាំទ្រលោកមិនតិចទេភ្ញាក់ផ្អើល៕

ចុចអាន៖

ប្រភព៖ kpopstarz ប្រែសម្រួល៖ ញ៉េប លាងហេង