មេដាយមាសពី SEA Game បន្សល់ទុកជំងឺប្រចាំកាយជាច្រើនដល់ សុវណ្ណ គិរី

2017-10-17 08:54:35
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង និងពិធីករ សុវណ្ណ គិរី ធ្លាប់ជាអតីតកីឡាការ៉ាតេដូ និងទទួលបានមេដាយមាសស៊ីហ្គេមកាលពីឆ្នាំ២០១១ នៅប្រទេសឥណ្ឌូនេស៊ី តែដោយសារកាខិតខំប្រឹងប្រែងខ្លាំងលើកីឡាមួយនេះបានបន្សល់ទុកនូវជំងឺរ៉ាំរ៉ៃមកដល់សព្វថ្ងៃនេះ។

(សុវណ្ណ គិរី រូបកណ្តាលខាងលើទទួលបានមេដាយមាសលេខ១ នៅឥណ្ឌូនេស៊ី ឆ្នាំ២០១១)

លោកបានរំលឹកថា លោកបានចូលហាត់កីឡានេះតាំងពីខ្លួនមានវ័យ៧ឆ្នាំមកម្ល៉េះ ដោយហាត់ជាមួយឪពុក ដែលជាជើងឯក ការ៉ាតេដូសម័យសង្គមរាស្ត្រនិយម។ ជាមួយគ្នានេះ គិរី បន្តឲ្យដឹងថា ឪពុកលោកឈ្មោះ ឡាច ច័ន្ទសុវណ្ណ ធ្លាប់ប្រកួតឈ្នះបានលេខ១ក្នុងចំណោមកីឡាគ្រប់ប្រភេទនៅកម្ពុជា ឆ្នាំ១៩៧៤។ រហូតដល់អាយុ១៦ឆ្នាំ។ ដោយធ្លាប់ទទួលបានឱកាសចេញទៅហ្វឹកហាត់បន្ថែមនៅប្រទេសជប៉ុន ដែលជាប្រទេសកំណើតរបស់ប្រភេទកីឡានេះផង លោកក៏បានចូលរួមប្រកួតក្នុងកម្មវិធីថ្នាក់ជាតិ និងអន្តរជាតិជាច្រើន។

(លោក ឡាច ច័ន្ទសុវណ្ ឪពុករបស់ សុវណ្ណ គិរី)

មិនត្រឹមតែប៉ុណ្ណោះ នៅឆ្នាំ២០១១ លោកដណ្ដើមបានមេដាយមាស១គ្រឿង ក្រោយទៅប្រកួតកម្មវិធី SEA Game នៅប្រទេសឥណ្ឌូណេស៊ី។

តួប្រុសក្នុងរឿង "លត់ដែកថែប" បន្តក្នុងសារដដែលថា ការប្រកួតទាំងនោះបានបន្សល់ទុករបួសឲ្យលោកជាច្រើនហូរហែ មិនថាជើង ដៃ ខ្លួន ឲ្យតែមេឃត្រជាក់របួសទាំងនោះចាប់ផ្ដើមប្រតិកម្មឈឺ ជាពិសេស ឆ្អឹងខ្នង ឈឺរាល់ថ្ងៃតែម្ដង ៕

អត្ថបទ៖ សុខណា