Drone ហោះបុកយន្តហោះអ្នកធ្វើដំណើរនៅប្រទេសកាណាដា
- 2017-10-18 01:39:59
- ចំនួនមតិ 0 | ចំនួនចែករំលែក 0
Drone ហោះបុកយន្តហោះអ្នកធ្វើដំណើរនៅប្រទេសកាណាដា
ចន្លោះមិនឃើញ
ក្រសួងផ្នែកដឹកជញ្ជូននៃប្រទេសកាណាដាបានប្រាប់ឲ្យដឹងថា Drone មួយគ្រឿង បានហោះទៅបុកទង្គិចយន្តហោះ Skyjet នៅអាកាសយានដ្ឋានអន្តរជាតិ Jean Lesage នៃទីក្រុង Québec ដែលត្រៀមចុះចតកម្ពស់ជាង ៤៥០ ម៉ែត្រពីដី។ យន្តហោះដែលមានផ្ទុកអ្នកធ្វើដំណើរ ៨ នាក់ មិនបង្កគ្រោះថ្នាក់ធ្ងន់ធ្ងរនោះទេ គ្រាន់បង្កការប៉ះទង្គិចបន្តិចបន្តួច និងអាចចុះចតដោយសុវត្ថិភាព។
អាជ្ញាធរបានបញ្ជាក់ថា នេះជាលើកទី ១ សម្រាប់ប្រទេសកាណាដា មានជួបរឿងហេតុបែបនេះ។
បច្ចុប្បន្នអាជ្ញាធរកំពុងធ្វើការរួមគ្នាជាមួយក្រុមហ៊ុនអាកាសចរណ៍ និងក្រុមប្រឹក្សាសុវត្ថិភាពផ្នែកដឹកជញ្ជូនក្នុងស្រុក ដើម្បីស៉ើបអង្កេតជុំវិញបញ្ហានេះ។ ចំពោះ Drone ដែលបង្កហេតុលោក Marc Garneau រដ្ឋមន្ត្រីក្រសួងផ្នែកដឹកជញ្ជូនចោទថា បានហោះចូលក្នុងតំបន់ហាមឃាត់។
លោកសង្កត់ធ្ងន់ទៀតថា នរណាម្នាក់ដែលបំពានច្បាប់អាចប្រឈមនឹងការផាកពិន័យរហូតដល់ **២៥ ០០០ ដុល្លារ**ឬអាចឈានដល់ការជាប់ពន្ធធនាគារថែមទៀតផង។
រំឭកថារាល់បណ្ដាអាកាសយានដ្ឋានក្នុងប្រទេសកាណាដាទាំងអស់ សុទ្ធសឹងតែបានរាប់ជាតំបន់ហាមឃាត់ "No Drone Zones” និងរាល់យន្តហោះគ្មានមនុស្សបើក ត្រូវស្ថិតនៅឲ្យឆ្ងាយជុំវិញបរិវេណយ៉ាងតិច ៥.៥ គីឡូម៉ែត្រ។ ឆ្នាំ ២០១៧ រដ្ឋាភិបាលកាណាដាទទួលបណ្តឹងជុំវិញបញ្ហា Drone ជាង ១ ៥៩៦ គ្រឿង ដែលបង្កផលប៉ះពាល់ ខណៈជាង ១៣១ គ្រឿង ទាក់ទងនឹងបញ្ហាសុវត្ថិភាពនៃអាកាសចរណ៍។
អានអត្ថបទបន្ទាប់
- នៅអាមេរិកបណ្តាញសង្គមពេញនិយមពីយុវវ័យ មិនមែន Facebook ទេ
-មនុស្សពាក់កណ្តាលផែនដី ចំណាយពេលមិនតិចម៉ោងលើទូរសព្ទជារៀងរាល់ថ្ងៃ