ផ្អើលពេញប្រទេសចិនថាតួ "អ៊ូខុង" កំពុងមានទំនាក់ទំនងស្នេហាភេទដូចគ្នា!

2017-10-18 02:26:05
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងប្រុសតួឯករឿង "អ៊ូខុង” ឆ្នាំ ២០១៧ ត្រូវមហាជនជាច្រើនមានការផ្ដោតការចាប់អារម្មណ៍ជាថ្មីម្ដងទៀតហើយ នៅពេលបែកធ្លាយព័ត៌មានថា លោកមានទំនាក់ទំនងស្នេហាភេទដូចគ្នា។

ទាក់ទងនឹងបញ្ហានេះ តួប្រុស "អ៊ូខុង” បានចេញមុខបដិសេធទាំងស្រុង ចំពោះពាក្យចចាមអារ៉ាមដែលខុសពីការពិត ដែលនិយាយថាលោកមានទំនាក់ទំនងស្នេហាជាមួយអ្នកជំនួញម្នាក់ឈ្មោះ Zhang Lei។

យ៉ាងណាមិញ រឿងរ៉ាវអាស្រូវមួយនេះ បានក្លាយជាប្រធានបទក្ដៅ និងត្រូវអ្នកគាំទ្ររបស់ Eddie ជាច្រើននាក់លើកមកនិយាយពេញបណ្ដាញអ៊ីនធឺណិត ក្រោយអ្នកប្រើគណនី Weibo ម្នាក់បានបង្ហោះរូបភាពនៃកិច្ចសន្ទនាដែលខ្លួនថតទុក។ ក្រៅពីរូបភាពនោះ ក៏នៅមានតម្រុយខ្លះទៀត បណ្ដាលឲ្យមហាជនមួយចំនួនគិតថា តារាប្រុសរូបនេះ កំពុងមានស្នេហាជាមួយប្រុសគ្នាឯង ហើយប្រុសម្នាក់នោះគឺលោក Zhang Lei។

ក្រោយបែកធ្លាយព័ត៌មាននេះ មិនដល់មួយម៉ោងផង ខាងក្រុមការងាររបស់ Eddie ក៏បានចេញសេចក្ដីប្រកាសមួយ ដោយបានលើកឡើងថា នេះជាការប្រមាថកិត្តិយសដល់ពួកគេ (Eddie និង Zhang Lei) ហើយក្រុមការងារនឹងទុកឲ្យមេធាវី ចាត់ចែងបញ្ហានេះទៅតាមផ្លូវច្បាប់។