មី រស្មី៖ បានមកលេងបាល់ទះនៅលីគកំពូលថៃ ជារឿងនឹកស្មានមិនដល់
- 2017-10-18 04:30:03
- ចំនួនមតិ 0 | ចំនួនចែករំលែក 0
មី រស្មី៖ បានមកលេងបាល់ទះនៅលីគកំពូលថៃ ជារឿងនឹកស្មានមិនដល់
ចន្លោះមិនឃើញ
កីឡាករឆ្នើមរបស់ក្លឹបបាល់ទះវិសាខា មី រស្មី ថា ការបានមកលេងបាល់ទះក្នុងលីគកំពូលនៅប្រទេសថៃនេះ ជារឿងនឹកស្មានមិនដល់ ព្រោះពីមុនមកគិតស្រមៃត្រឹមបានលេងក្នុងជម្រើសជាតិ ឬល្បីនៅតែកម្ពុជាទេ។
កីឡាករ មី រស្មី ប្រាប់ឲ្យដឹងថា បច្ចុប្បន្ននេះខ្លួនកំពុងចូលរួមហ្វឹកហាត់ជាមួយកីឡាកររបស់ក្លឹបបាល់ទះ NK Fitness ថៃ ដែលការហ្វឹកហាត់ភាគច្រើនផ្ដោតលើការចាប់សេវា និងលោតបាំង រួមទាំងការហ្វឹកហាត់លើរាងកាយផងដែរ។ បើនិយាយរំលឹកពីការបានឱកាសមកលេងនៅប្រទេសថៃនេះ កីឡាករកម្ពុជាខាងលើបន្តថា ពីមុនស្រមៃត្រឹមលេងខ្លាំង និងល្បីនៅកម្ពុជា បានលេងក្រុមជម្រើសជាតិបាល់ទះតែប៉ុណ្ណោះ។
រស្មី បន្ថែមទៀតថា ដោយសារការខំប្រឹងហ្វឹកហាត់ មានការជ្រោមជ្រែងពីសំណាក់គ្រូបង្វឹកផ្ទាល់ក៏ដូចជាមានការយកចិត្តទុកដាក់ និងបានផ្ដល់ឱកាសពី ឯកឧត្ដម ស សុខា អនុប្រធានសហព័ន្ធបាល់ទះផងនោះទើប បានឲ្យរូបគេចេញមកលេងនៅក្រៅប្រទេសដូចនេះ។ កីឡាករចំណូលថ្មីរបស់ NK Fitness រូបនេះ ប្ដេជ្ញាថានឹងខំប្រឹងបន្ថែមទៀតដើម្បីបានជួយក្រុមបាល់ទះជម្រើសជាតិកម្ពុជានៅស៊ីហ្គេមក្រោយៗទៀត និងអាចនៅលេងឲ្យក្លឹបអាជីពរបស់ថៃដូចនេះទៀត។
មី រស្មី ជាកីឡាករបាល់ទះរបស់ក្រុមបាល់ទះវិសាខា ដែលត្រូវបានក្រុមនៅលីគកំពូលថៃ NK Fitnessទិញយកទៅជួយលេងដើម្បីដណ្ដើមពានរង្វាន់នៅរដូវការថ្មីដែលនឹងចាប់ផ្ដើមនៅដើមខែវិច្ឆិកា ឆ្នាំ២០១៧នេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
