តារាថៃ៨រូបល្បីរន្ទឺខាងសម្ដែងទាំងក្នុងនិងក្រៅប្រទេសទោះសម្រស់មិនសូវបានក្ដី

2017-10-18 06:30:17
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រាន់តែឮថាជាតារាសម្ដែងល្បី មហាជនភាគច្រើនគិតមុនគេ គឺរូបសម្រស់ ប៉ុន្តែចំពោះតារាប្រុសទាំង ៨នាក់ ក្នុងពិភពសិល្បៈថៃដែល Sabay លើកយកមកបង្ហាញខាងក្រោម សុទ្ធសឹងមានសមត្ថភាពសម្ដែងខ្ពស់ មានភាពជោគជ័យខ្លាំងដោយមិនពឹងផ្អែកលើរូបសម្បត្តិឡើយ។

ប្រិយមិត្តនឹងបានជ្រាបថាជា តារាប្រុសរូបណាខ្លះ៖

១. តារាសម្ដែង Tony Jaa (Tatchakorn Yeerum)

តារាប្រុស និងជាអ្នកក្បាច់គុនវ័យ ៤១ឆ្នាំ ជនជាតិខ្មែរសុរិន្ទរូបនេះ គឺជាបុរសខ្លាំងម្នាក់ ដែលមានទេពកោសល្យខ្ពស់ក្នុងការសម្ដែងក្នុងរឿងប្រភេទវាយប្រហារ។

លោកមានភាពល្បីល្បាញខ្លាំងទាំងក្នុងប្រទេសកម្ពុជា និងប្រទេសថៃ។ ចំណែករឿងដែល លោកជោគជ័យជាងគេគឺរឿង “Tom-Yum-Goong” ផលិតក្នុងឆ្នាំ ២០០៥។

២. តារាសម្ដែង Jazz Chuan Chuen

លោកគឺជាតារាសម្ដែងបែបកំប្លែងដ៏ល្បីមួយរូបដែរក្នុងប្រទេសថៃ។ រឿងដែលនាំឲ្យមហាជនគាំទ្រ និងចាប់ផ្ដើមស្គាល់លោកច្រើនគឺរឿង "ព្រះតេជគុណជេស 4G”។

៣. តារាសម្ដែង Pongsak Pongsuwan

ឆ្នាំនេះ លោក Pongsak មានអាយុ ៥១ឆ្នាំហើយ តែប្រជាប្រិយភាពរបស់លោកនៅតែមានជានិច្ច។ រឿងដែលលោកមានអ្នកស្គាល់ច្រើន គឺរឿង "លោកបង ថេង”។

៤. តារាសម្ដែង Mot Jokmok

តារាកំប្លែងវ័យ ៥២ឆ្នាំរូបនេះ តែងមានវត្តមានជារឿយៗក្នុងភាពយន្តជាច្រើនរបស់ថៃ ទាំងរឿងភាគ និងរឿងកុនខ្នាតធំ។

ប៉ុន្តែក្នុងចំណោមរឿងដែលលោកល្បីខ្លាំងជាងគេគឺរឿង "Yam Yasothon” ផលិតក្នុងឆ្នាំ ២០០៥។ អ្វីដែលរឹតតែពិសេស មិនត្រឹមតែជាតួអង្គទេ សម្រាប់រឿងនេះ លោកក៏ជាអ្នកដឹកនាំថតផ្ទាល់ដែរ។

៥. តារាសម្ដែង Nong Cha Cha

តារាកំប្លែងសម្បូរសាច់រូបនេះ ទទួលបានការចាប់អារម្មណ៍ខ្លាំង ពីសំណាក់អ្នកគាំទ្រ នៅពេលសម្ដែងក្នុងរឿង "Teng Nong Khon Maha-Hia”។

៦. កីឡាករ Buakaw Banchamek

កីឡាករប្រដាល់ រូបនេះ ចាប់អាជីពជាអ្នកប្រដាល់តាំងពីកុមារភាព រហូតមកទល់ពេលបច្ចុប្បន្ន។ ប៉ុន្តែ ដោយឃើញពីរូបរាង និងសមត្ថភាពខាងប្រយុទ្ធរបស់ Buakaw បែបនេះ ទើបលោកត្រូវអ្នកដឹកនាំអញ្ជើញឲ្យថតរឿង "Samurai Ayodhya” កាលពីឆ្នាំ ២០១០ និងរឿង "Thong Dee Fun Khao” ដែលថតក្នុងឆ្នាំ ២០១៧។

រឿង "Samurai Ayodhya”

រឿង "Thong Dee Fun Khao”

៧. តារាសម្ដែង Udom Taephanich

តារាប្រុសរូបនេះ មានភាពជោគជ័យគួរសមក្នុងពិភពសិល្បៈ តាមរយៈទេពកោសល្យមានពីកំណើត បូករួមនឹងពាក្យពេចន៍បែបកំប្លែងដែលលោកផ្ដល់ឲ្យអ្នកគាំទ្រ។ ភាពយន្តដែលធ្វើឲ្យ តារាប្រុសរូបនេះមានភាពល្បីខ្លាំងគឺរឿង “Loveaholic”។

៨. តារាសម្ដែង Ping Lamprapling

តាមរយៈរឿង "Dreamaholic” នេះ បានធ្វើឲ្យប្រជាប្រិយភាពរបស់ តារាសម្ដែងជើងចាស់ Ping មានការកោតសរសើរច្រើនពីសំណាក់មហាជន។ ទាំងសមត្ថភាពសម្ដែង និងភាពប៉ិនប្រសប់ក្នុងការដឹកនាំរឿងផ្ទាល់ លោកពិតជាបានធ្វើឲ្យកេរ្តិ៍ឈ្មោះល្បីសុសសាយគួរឲ្យកត់សម្គាល់៕

ប្រភព៖ jaizaa ប្រែសម្រួល៖ យី សុធារី