បាងកក និងហូជីមិញ ជាប់ឈ្មោះជាទីក្រុង ដែលរស់នៅមានគ្រោះថ្នាក់បំផុត

2017-10-18 07:08:13
ចំនួនមតិ 0 | ចំនួនចែករំលែក 0

ចន្លោះមិនឃើញ

បើយោងតាមការសិក្សាថ្មី Safe Cities Index របស់ទស្សនាវដ្ដី The Economist បានឲ្យដឹងថា បាងកក រួមជាមួយទីក្រុងមួយចំនួនទៀតដូចជា Yangon, Manila, Jakarta និងហូជីមិញ ត្រូវបានចាត់ឈ្មោះនៅក្នុងចំណោមទីក្រុង ដែលរស់នៅមានគ្រោះថ្នាក់បំផុតនៅលើពិភពលោក។

ទីក្រុងបាងកក ប្រទេសថៃ

ការសិក្សាដែលបានចេញផ្សាយកាលពីសប្ដាហ៍មុននេះ បានវិភាគទៅលើទីក្រុងចំនួន ៦០ (មិនមានទីក្រុងភ្នំពេញ) ក្នុងចំណោមសុវត្ថិភាពចំនួន ៤ ប្រភេទ រួមមានដូចជា ឌីជីថល , សុខភាព , ហេដ្ឋារចនាសម្ព័ន្ធ និង សន្តិសុខផ្ទាល់ខ្លួន។ ទីក្រុងបាងកក បានជាប់ចំណាត់ថ្នាក់ លេខ៤៩ បើរាប់ពីទីក្រុងមានសុវត្ថិភាពបំផុត ជាមួយនឹងពិន្ទុ ៦០,០៥ នៃពិន្ទុ ១០០។ ពិន្ទុរបស់រាជធានីប្រទេសថៃនេះ ត្រូវបានធ្លាក់ចុះដោយសារតែបញ្ហាសន្តិសុខផ្ទាល់ខ្លួនតែម្ដង។

មិនតែប៉ុណ្ណោះ បាងកក បានឈរនៅលំដាប់លេខ៤ នៅលើពិភពលោក ជាទីក្រុងដែលប្រឈមនឹងឧក្រិដ្ឋកម្ម អំពើហិង្សា និង អំពើភេរវកម្ម៕

ខាងក្រោមនេះគឺជាចំណាក់ថ្នាក់ទីក្រុងដែលរស់នៅមានគ្រោះថ្នាក់បំផុតលើពិភពលោក ផ្អែកលើ Safe Cities Index៖

#១ ទីក្រុង Karachi ប្រទេសប៉ាគីស្ថាន

#២ ទីក្រុង Yangon ប្រទេសមីយ៉ាន់ម៉ា

#៣ ទីក្រុង Dhaka ប្រទេសបង់ក្លាដេស

#៤ ទីក្រុង Jakarta ប្រទេសឥណ្ឌូនេស៊ី

#៥ ទីក្រុងហូជីមិញ ប្រទេសវៀតណាម

#៦ ទីក្រុង Manila ប្រទេសហ្វីលីពីន

#៧ ទីក្រុង Caracas ប្រទេសវេណេហ្ស៊ុយអេឡា

#៨ ទីក្រុង Quito ប្រទេសអេក្វាឌ័រ

#៩ ទីក្រុង Tehran ប្រទេសអ៊ីរ៉ង់

#១០ ទីក្រុង Cairo ប្រទេសអេហ្ស៊ីប