iPhone មានរឿងអាស្រូវធំៗ ៣ ដែល Apple មិនចង់រំឭក

2017-10-18 23:35:00
ចំនួនមតិ 0 | ចំនួនចែករំលែក 0

ចន្លោះមិនឃើញ

iPhone ជាផលិតផលដ៏ជោគជ័យបំផុតមួយរបស់ Apple ដោយចាប់តាំងពីចេញលក់ដំបូងនៅឆ្នាំ ២០០៧ មកទល់ពេលនេះ លក់ចេញបានដល់ ១ ពាន់លានគ្រឿងហើយ។ យ៉ាងណាក្ដីនៅពីក្រោយជោគជ័យនេះ មានរឿងអាស្រូវចំនួន ៣ អំពី iPhone ដែល Apple មិនចង់ឲ្យអ្នកដទៃរំឭក ៖

១. អង់តែន (Antennagate) ឆ្នាំ ២០១០

iPhone 4

iPhone 4 ជារចនាបថមួយថ្មីរបស់ Apple បន្ទាប់ពីម៉ូដែល iPhone 3Gs។ Apple បានដាក់អង់តែននៅផ្នែកខាងក្រៅ ដែលគេអាចមើលឃើញស្នាមគន្លាក់អង់តែនបាន។ អ្នកប្រើមួយចំនួនកត់សម្គាល់ថា ពេលកាន់ iPhone 4 ដោយយកដៃដាក់ពីលើខ្សែអង់តែន ធ្វើឲ្យសេវាទូរសព្ទថយចុះ។

iPhone 4s

Apple បានឆ្លើយតបថា ៖ "គ្រាន់តែកុំកាន់របៀបនឹងទៅ លែងអីហើយ”។ ការឆ្លើយតបនេះនាំឲ្យមានការរិះគន់ និងសើចចំអកជាច្រើន។ ក្រោយមក Apple ក៏បានធ្វើសន្និសីទកាសែតនៅទីក្រុង Cupertino និងបានប្រកាសថាចែកសម្បកការពារទូរសព្ទដល់អ្នកប្រើប្រាស់ឥតគិតថ្លៃ ដើម្បីដោះស្រាយបញ្ហានេះ។ Apple ក៏បាននិយាយថា ៖ "យើងមិនល្អឥតខ្ចោះនោះទេ...ប៉ុន្តែយើងចង់ឲ្យអ្នកប្រើប្រាស់របស់យើងសប្បាយចិត្ត”។ ពេលចេញ iPhone 4s Apple បានបន្ថែមខ្សែអង់តែនមួយទៀតដើម្បីជៀសវាងបញ្ហានេះ។

២. iPhone អាចពត់បាន (Bendgate) ឆ្នាំ ២០១៤

iPhone 6 Plus មានកម្រាស់ស្ដើងពេក រហូតដល់អ្នកប្រើប្រាស់មួយចំនួនបានត្អូញត្អែរថា ស្មាតហ្វូននេះកោង ពេលនៅក្នុងហោប៉ៅបានមួយភ្លែត។ Apple បានឆ្លើយតបថាខ្លួនទទួលបានការរាយការណ៍ពីបញ្ហានេះតែ ៩ ករណីប៉ុណ្ណោះ ហើយករណីខូចខាតដោយសារការប្រើប្រាស់ធម្មតាជាករណីកម្របំផុត។ Apple បានផ្ដល់ជូនសេវាកម្មប្ដូរថ្មីសម្រាប់ស្មាតហ្វូនដែលកោង។

៣. ជំងឺ Touch (Touch Disease) ឆ្នាំ ២០១៦

ជាឈ្មោះមួយសម្រាប់សម្គាល់បញ្ហាលើ iPhone 6/6 Plus ដែលបញ្ហានោះគឺការលេចចេញខ្សែពណ៌ប្រផេះមួយនៅផ្នែកខាងលើនៃអេក្រង់ ដែលពេលខ្លះធ្វើឲ្យអេក្រង់ទូរសព្ទទាំងមូលគាំង ចុចមិនទៅ។ គេជឿថាបញ្ហានេះពាក់ព័ន្ធនឹងបញ្ហា Bendgate ដែលភាគច្រើនកើតមានលើ iPhone 6 Plus ដូចគ្នា។

ប្រភព៖ Macworld ប្រែសម្រួល៖ សុខហេង