ជំនួបដ៏កម្ររវាងសិល្បករថតរូបជាតិ និងអន្តរជាតិល្បីៗនឹងធ្វើឡើងឆាប់ៗនេះ
- 2017-10-18 09:50:26
- ចំនួនមតិ 0 | ចំនួនចែករំលែក 0
ជំនួបដ៏កម្ររវាងសិល្បករថតរូបជាតិ និងអន្តរជាតិល្បីៗនឹងធ្វើឡើងឆាប់ៗនេះ
ចន្លោះមិនឃើញ
អាចនិយាយបានថានេះជាការជួបជុំមួយដ៏កម្ររវាងសិល្បករថតរូបកម្ពុជា និងសិល្បករថតរូបអន្តរជាតិសរុប៣០នាក់ដែលធ្វើឡើងនៅរាជធានីភ្នំពេញ។
ជំនួបដ៏អស្ចារ្យរវាងសិល្បករថតរូបកម្ពុជា និងសិល្បករថតរូបល្បីៗប្រមាណជា២៥រូបនេះគឺធ្វើឡើងក្នុងគោលបំណងផ្លាស់ប្ដូរបទពិសោធន៍ រឿងរ៉ាវនៃការផលិតស្នាដៃសិល្បៈរូបថតបង្កើតជាសាច់រឿង និងធ្វើឡើងដើម្បីជំរុញទឹកចិត្តដល់យុវជន និងអ្នកថតរូបវ័យក្មេងកម្ពុជាឲ្យស្រលាញ់ យល់ដឹង សិក្សារៀនសូត្រ និងអនុវត្តន៍ការងារថតរូបឲ្យកាន់តែខ្លាំងខ្លាជាងមុន។
លោក គ្រីស្យង់ កូស្យែល នាយកផ្នែករចនា និងស្ថាបនិកនៃសមាគមរូបថតភ្នំពេញ បានថ្លែងក្នុងសន្និសីទសារព័ត៌មានកាលពីព្រឹកមិញនេះ នៅវិទ្យាស្ថានបារាំងថា កម្មវិធីជួបជុំសិល្បករជាតិ និងអន្តរជាតិ ក្នុងមហោស្រពរូបថតភ្នំពេញឆ្នាំ២០១៧នេះ ជាបទពិសោធន៍ថ្មីមួយនាំមកជូនសាធារណជនឲ្យកាន់តែទូលំទូលាយ និងជាវេទិកាមួយសម្រាប់អ្នកថតរូបអាជីព និងអ្នកស្រលាញ់ការថតរូបដែលចង់ក្លាយជាអ្នកថតអាជីព។
ជំនួបរវាងសិល្បករថតរូបកម្ពុជា និងសិល្បករថតរូបល្បីៗជុំវិញពិភពលោកនេះប្រព្រឹត្តឡើងនៅព្រឹកថ្ងៃទី២១ខែតុលាខាងមុខនេះ ក្នុងថ្ងៃតែមួយនៃការសម្ពោធមហោស្រពរូបថតភ្នំពេញឆ្នាំទី៨ នៅវិទ្យាស្ថានបារាំងកម្ពុជា។
ក្រៅពីពិធីជំនួបសិល្បករថតរូបកម្ពុជា និងសិល្បករថតរូបល្បីៗជុំវិញពិភពលោកនេះ ក៏នៅមានកម្មវិធីសំខាន់ដែលទាក់ទងនឹងវិស័យថតរូបជាច្រើន មានដូចជាការតាំងពិព័រណ៍រូបថតជាង៤០០សន្លឹករបស់សិល្បករខ្មែរ និងអន្តរជាតិ និងការបញ្ចាំងផ្ទាំងទស្សនីយភាពរូបថតដែលមានរយៈពេល១ខែពេញគឺចាប់ពីថ្ងៃទី២១ខែតុលា រហូតដល់ថ្ងៃទី ២១ ខែ វិច្ឆិកា ឆ្នាំ២០១៧៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
