ផ្សារកុងតឺន័រថ្មី ជិត AEON លើដីមួយហិចតាកន្លះ ត្រៀមបើកឆាប់ៗនេះ

2017-10-18 09:54:48
ចំនួនមតិ 0 | ចំនួនចែករំលែក 0

ចន្លោះមិនឃើញ

គម្រោងផ្សារកុងតឺន័រថ្មី ឈ្មោះថា "ផ្សារកុងតឺន័រ 2040” សង់លើផ្ទៃដីជាងមួយហិចតាកន្លះ ហើយចាត់ទុកជាផ្សារកុងតឺន័រធំជាងគេនៅភ្នំពេញនោះ បានបង្កើតដោយអ្នកជំនួញជនជាតិខ្មែរ និងសិង្ហបុរី ស្ថិតលើផ្លូវសុធារស ជិតផ្សារទំនើប AEON ទី១។

ក្រៅពីកន្លែងចតយានយន្តធំទូលាយ ព្រមទាំងបើក ២៤ម៉ោង ផ្សារកុងតឺន័រ 2040 មាន ៥០០តូប ដោយចែកជា ៤ផ្នែកធំៗដាច់ពីគ្នា ផ្នែកលក់ទំនិញ ផ្នែកលក់ម្ហូបអាហារគ្រប់ប្រភេទ ផ្នែក PUB និងកន្លែងកម្សាន្តផ្សេងៗដូចជារោងកុនជាដើម។

ផ្សារកុងតឺន័រដែលរចនាប្លង់ដោយស្ថាបត្យករជនជាតិសិង្ហបុរី និងកម្ពុជានេះ កំពុងចាប់ផ្ដើមការសាងសង់ ហើយគ្រោងនឹងបញ្ចប់ក្នុងខែវិច្ឆិកាខាងមុខ។ មកដល់ពេលនេះ មានអតិថិជនមកកក់តូបរហូតដល់ ៨០% ហើយ ដោយតម្លៃចាប់ពី ៣០០ដុល្លារប៉ុណ្ណោះ។

សម្រាប់ព័ត៌មានបន្ថែម ទាក់ទងលេខទូរសព្ទ ០៨៦ ៤០ ២០ ៤០ /០៩៩ ២០ ៤០ ២០ /០៨៨៩ ២០ ៤០ ២០៕