ស្មើយប់មិញ កីឡាករ Chelsea ដេកពេទ្យ២នាក់ថែមទៀត
- 2017-10-19 02:41:58
- ចំនួនមតិ 0 | ចំនួនចែករំលែក 0
ស្មើយប់មិញ កីឡាករ Chelsea ដេកពេទ្យ២នាក់ថែមទៀត
ចន្លោះមិនឃើញ
Chelsea កាន់តែមានបញ្ហានៅតំបន់បម្រើ បន្ទាប់ពីលោក Antonio Conte បាននិយាយថា Bakayoko និង David Luiz បានទទួលរងរបួសក្រោយលេងស្មើជាមួយ Roma ៣-៣។
ការប្រកួតរាត្រីកន្លងទៅក្នុងកីឡដ្ឋានStamford Bridge ដោយខ្វះខាតខ្សែបម្រើលោកConte បានដាក់ Luiz មកលេងជាបម្រើចាប់ដៃគ្នាជាមួយ Bakayoko ដែលទើបទិញក្នុងតម្លៃ៤០លានផោន។ យ៉ាងណាក្ដី តាមការបញ្ជាក់ពីអ្នកចាត់ការសញ្ជាតិអ៊ីតាលីថា កីឡាករទាំងពីរនាក់នេះបានមានបញ្ហារបួស ដែលត្រូវព្យាបាលដូចខ្សែបម្រើ N'Golo Kante, Danny Drinkwater និង Moses ដែរ។
ចំពោះរបួស Luiz លោក Conte បាននិយាយថា Luizមានរបួសសាច់ដុំកំភួនជើងបន្តិចបន្តួច។ នៅពេលនេះលោកមិនចង់មានវិបត្តិកីឡាករទេ ព្រោះលេងតែកីឡាករដដែលៗពេក ពិតជាពិបាក។ លោកមិនចង់បាត់ Luiz ច្រើនដងពេកទេ។ ឯរឿង Bakayoko កំពុងមានបញ្ហាក្រលៀន និងត្រូវបញ្ចូលក្នុងបញ្ជីកីឡាកររបួសយូរ។ នៅចុងសប្ដាហ៍នេះ តោខៀវនឹងត្រូវប្រឈមមុខជាមួយ Watford ក្នុង Premier League។
Marcus Rashford របស់ Man Utd ក៏ជួបបញ្ហារបួសជង្គង់ដូចគ្នា ពេលបិសាចក្រហមឈ្នះ Benfica ១-០៕
ចុចអាន៖