Mourinho៖ "លេងការពារមិនមែនជាបទឧក្រិដ្ឋទេ"

2017-10-19 03:43:33
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីមានការរិះគន់នឹងយុទ្ធសាស្ត្រការពារខ្លាំងពេកលើទីលាន លោក Jose Mourinho បានតបវិញថា ការការពារល្អមិនមែនជា បទឧក្រិដ្ឋទេ។

ការនិយាយបែបនេះ បន្ទាប់ពី Man Utd លេងស្មើ ០-០ ជាមួយ Liverpool កាសែតជាច្រើនបានសរសេរបាញ់ពីយុទ្ធសាស្ត្រលេងរបស់ Mourinho ដោយប្រឹងការពារជាងប្រយុទ្ធ។ ជុំវិញរឿងនេះអ្នកចាត់ការសញ្ជាតិព័រទុយហ្គាល់បាននិយាយថា៖ "ខ្ញុំបានអានច្រើន ប៉ុន្តែពេលខ្លះខ្ញុំអានទាំងកាសែតអង់គ្លេសនិងព័រទុយហ្គាល់។ ខ្ញុំមានអារម្មណ៍ ពេលខ្លះគ្រាន់តែលេងការពារគេគិតដូចជា បទឧក្រិដ្ឋអញ្ចឹង ព្រោះចុះផ្សាយរហូត តែវាមិនមែនទេ"។

បុរសវ័យ៥៤ឆ្នាំបន្តថា៖ "នេះជាហេតុផលដែលពួកយើងអាចគ្រប់គ្រងការប្រកួត ព្រោះពួកយើងការពារដោយភាពត្រឹមត្រូវ"។ Manchester United បានបន្តបិទមិនឲ្យគេទាត់ចូល(clean sheet) ចំនួន១៣ប្រកួត ក្នុងរដូវកាលនេះ បន្ទាប់ពីយកឈ្នះ Benfica ១-០ នៅ Champions League ពូល A កាលពីយប់មិញក្នុងទីក្រុង Lisbon៕