បុរសចិត្តធម៌វ័យ ២៨ ឆ្នាំ ត្រូវស្លាប់ ដោយសារទូរសព្ទមួយគ្រឿង

2017-10-20 01:43:49
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Abdul Samad ដែលត្រូវគេស្គាល់ជាអ្នកធ្វើការស្ម័គ្រចិត្ត បង្រៀនក្មេងៗអភិវឌ្ឍជំនាញកុំព្យូទ័រនៅមជ្ឈមណ្ឌល Dragon Hall Trust នាទីក្រុង London បានស្លាប់កាលពីយប់រំលងអធ្រាត្រថ្ងៃទី ១៦ តុលា។

យោងតាមសារព័ត៌មាន Dailymail ដំបូងមានចោរពីរនាក់ ជិះម៉ូតូមកតាមឆក់ iPhone 7 ពីគាត់ ប៉ុន្តែដោយសារការប្រតាយប្រតប់គ្នា ចង់ដណ្ដើមទូរសព្ទមកវិញ ជនរងគ្រោះត្រូវបានគេប្រើកាំបិតចាក់ចំបេះដូង. នេះបើផ្អែកតាមសាក្សីប្រាប់ឲ្យដឹង។

ភ្លាមៗគាត់បានព្យាយាមរត់ទៅផ្ទះឪពុកម្ដាយដែលនៅក្បែរនោះ ជាអកុសលទោះប្អូនប្រុសព្យាយាមចេញមកជួយទប់ឈាមក្ដី ប៉ុន្តែបុរសចិត្តធម៌ខាងលើបានស្លាប់បាត់បង់ជីវិតរួចទៅហើយ។

បើតាមការលើកឡើងពីប៉ូលិសប្រចាំតំបន់ ចូលមកទល់ព្រឹកថ្ងៃអង្គារ ប៉ុន្មានម៉ោងក្រោយកើតហេតុ ក៏ចាប់បានជនសង្ស័យ ២ រូបមានវ័យ ១៧ និង ១៨ ឆ្នាំ ហើយបច្ចុប្បន្នកំពុងស្ថិតក្នុងការស៊ើបអង្កេត។

អ្នកចាត់ការទូទៅនៃមជ្ឈមណ្ឌល Dragon Hall បានប្រាប់ថា " Abdul ពិតជាល្អជាមួយក្មេងៗណាស់ ហើយគាត់ព្យាយាមពន្យល់ក្បោះក្បាយដល់ពួកគេ ទាំងការជំរុញឲ្យពួកគេចាប់អារម្មណ៍លើការសិក្សាកូដ"។

អានអត្ថបទបន្ទាប់

ប្រភព៖ idropnews ប្រែសម្រួល៖ ប៊ុណ្ណារ៉ា