វិភាគ! ជុំវិញការចែកផ្លូវគ្នារវាងលោក Leo និងជម្រើសជាតិ

2017-10-20 02:13:39
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Lornardo Vitorino បានចែកផ្លូវគ្នាជាមួយក្រុមជម្រើសជាតិកម្ពុជាកាលពីយប់មិញនេះ បន្ទាប់ពីចូលដឹកនាំកាលពីដើមឆ្នាំ២០១៧។ ទន្ទឹមនឹងការចាកចេញនេះ សហព័ន្ធមិនទាន់ចេញលិខិតផ្លូវការនៅឡើយ ហើយក៏មិនទាន់មានព័ត៌មានច្បាស់ការណ៍ថា ការចែកផ្លូវគ្នានេះត្រូវបានសហព័ន្ធបណ្ដេញចេញឬលោកសុំលាឈប់។ សម្រាប់ព័ត៌មាននេះសប្បាយសូមធ្វើការវិភាគជូនដូចខាងក្រោម៖

១-លោក Leonardo Vitorino ត្រូវសហព័ន្ធបណ្ដេញចេញ៖

បើតាមប្រភាពច្បាស់ការមួយបានឲ្យដឹងថា សហព័ន្ធបានបណ្ដេញលោក Leonardo Vitrino ចេញ ដោយសារលទ្ធផលដែលទទួលបានមិនល្អប្រសើរ។ និយាយរួមតាំងពីគ្រូបង្វឹកសញ្ជាតិប្រេស៊ីលរួបនេះចូលកាន់ទើបតែឈ្នះ អាហ្វហ្គានីស្ថាន មួយប្រកួតប៉ុណ្ណោះ ក្រៅពីនោះគឺចាញ់ទាំងអស់។

លោក Lornardo Vitorino

**២-អ្នកគាំទ្រមិនពេញចិត្តចំពោះលទ្ធផលចង់ឲ្យលោកឈប់**

ក្រោយដឹកនាំទទួលបរាជ័យផ្ទួន លោកត្រូវបានវាយប្រហារតាមរយៈបណ្ដាញសង្គម Facebook យ៉ាងខ្លាំងទាមទារឲ្យចុះចេញពីតំណែង។ មួយចំណុចទៀតគឹក្រោយសម្រេចកាត់ឈ្មោះកីឡាករ ច្រឹង ពលរដ្ឋ និង សំអឿន ពិដោរ ចេញពីជម្រើសជាតិលោកក៏ត្រូវបានវាយប្រហារតាមរយៈ Facebook ពីសំណាក់កីឡាករមួយចំនួនផងដែរ។ ប៉ុន្តែគ្រូបង្វឹករូបនេះបានឆ្លើយជាមួយអ្នកគាំទ្រវិញថា អនាគតរបស់លោកគឺសម្រេចទៅលើ FFC ។

អ្នកគាំទ្រកម្ពុជា

៣- ចំណាប់អារម្មណ៍លោក Leonardo

បើតាមសម្ដី ឬ គំនិតរបស់គ្រូបង្វឹករូបនេះធ្លាប់បាននិយាយកន្លងមកថា នៅស្រលាញ់កម្ពុជា និងចង់ដឹកនាំក្រុមមួយនេះបន្តទៀត។ ពិសេសគឺលោកចង់ជួយក្រុមនេះឲ្យមានការរីកចំរើនមុនពេលលោកចាកចេញ។ បើតាមសម្ដីមួយឃ្លាដែលលោកបាននិយាយនៅអាកាសយានដ្ឋានអន្តរជាតិក្រោយត្រឡប់ពីប្រទេសវៀតណាមថា « ខ្ញុំកាន់ក្លឹបណាក៏ជោគជ័យដែរ ហេតុអីមិនអាចជួយកម្ពុជាឲ្យជោគជ័យបាន ? » ។ ការលើកឡើងបែបនេះជាលក្ខណៈសំនួរ។